Tert.am-ըրում է.
Գազիայնթապում այսօր տեղի ունեցած ահաբեկչության զոհերի թիվը հասել է երկուսի, վիրավորները 22-ն են. հայտնում է թուրքական «Անադոլու» գործակալությունը:
Ավելի վաղ հաղորդվում էր մեկ զոհի և 13 վիրավորի մասին: Ավելի ուշ հիվանդանոցում մահացել է ծանր վիրավորում ստացած ևս մեկ ոստիկան:
Գազիայնթապի նահանգապետը հայտնել է, որ պայթյունն իրականացվել է ականապատ ավտոմեքենայի միջոցով:
Դեպքի վայրում ոստիկանական գործողությունը շարունակվում է:
Դեպքի մասին տեղյակ է պահվել նաև Թուրքիայի նախագահ Ռեջեփ Թայիփ Էրդողանին: Վերջինս հեռախոսազրույց է ունեցել Ներքին գործերի նախարար Էֆքան Ալայի և նահանգապետ Ալի Յերլիքայայի հետ:
Հիշեցնենք, որ ահաբեկչությունը տեղի էր ունեցել ոստիկանության շենքի մոտակայքում: Զոհերն ու վիրավորների մեծ մասը ոստիկաններ են:
Նյութի աղբյուր՝ http://www.tert.am/am/news/2016/05/01/teror/2007523
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել