EXCLUSIVE
«Դոմինո» սիթքոմում նոր կերպար կա. պարզվում է երգչուհի Սոնա Շահգելդյանը գնել է փաբը և այժմ հանդես է գալու սեփականատիրոջ պաշտոնում: BlogNews.am-ն ներկա էր նկարահանմանը և ֆիքսել Սոնայի կերպարի առաջին կադրերը:
«Այս ժանրում առաջին անգամ եմ ներկայանում. սա նորություն է ինձ համար: Շատ հետաքրքիր է, բայց միևնույն ժամանակ բարդ, պետք է ամեն դեպքում լավ խաղալ և կարևորն անկեղծ լինել: Շատ հետաքրքիր զարգացումներ են լինելու, որոնք դեռ հանդիսատեսը կտեսնի: Կարծում եմ`կսիրվի կերպարս»:
Սոնան նշում է, որ կերպարը խանռվածքով իրեն շատ նման է, գուցե պատահական չէ, որ պահպանել են նրա անունը. « Այստեղ ես ինձ եմ խաղում և բոլորին աշխատացնում եմ: Ճիշտ է` նոր եմ սկսել դերս խաղալ, բայց արդեն կարծես կերպարի մեջ լինեմ»:
Երգչուհին նշում է, որ «Դոմինոն» իր տեսակով շատ է առանձնանում. մինչև խաղալը դիտում էր և կարծում է, որ շատ կերպարներ այստեղ հաջողված են. «Ես առաջարկ ստացա Դավիթ Բաբախանյանի կողմից և սիրով ընդունեցի: Շատ եմ հավանում աշխատակազմին, լավ ռեժիսոր ունենք, իսկ դերասաններից շատերի` Նարեկ Բավեյանի, Գայանե Ավետիսյանի, Սոս Ջանիբեկյանի, Արսեն Գրիգորյանի հետ, առիթ եմ ունեցել խաղալու: Հավանում եմ նրանց խաղը և թե ինչպես են կարողանում ծիծաղ պարգևել մարդկանց, իսկ մեր օրերում լավ հումորը պակասում է»:
Ի դեպ, նկարահանումների դադարների ժամանակ, երգչուհին զանգահարում էր տուն` ճշտելու, թե ինչպես է որդին:
Նյութը` Սիրանուշ Գրիգորյանի
Լուսանկարները` Կարեն Հովհաննիսյանի
