«Արծվի Վասպուրական» հանդեսը հրատարակվել է Խրիմյան Հայրիկի կողմից` սկզբում 1855-1856 թթ. Պոլսում, իսկ հետո արդեն որպես շաբաթաթերթ` 1858-1862 թթ. Վանի Վարագավանքում և համարվում է առաջին պարբերականը, որը հրատարակվել է Արևմտյան Հայաստանի տարածքում: Այն ունեցել է ազգային պահպանողական ուղղություն, առաջադրել է ազգային-ազատագրական պայքարի գաղափարներ և լույս է տեսել գրաբարախառն աշխարհաբարով։ Վարագավանքում «Արծվի Վասպուրական»-ի տպագրության համար օգտագործվող տպագրական մեքենան Խրիմյան Հայրիկը ձեռք էր բերել Վիեննայի Մխիթարյան միաբանությունից: Ավելի ուշ այն տեղափոխվում է Էջմիածին, իսկ խորհրդային տարիներին օգտագործվում է Երևանի թիվ 1 տպարանում։ Ներկայումս այդ մեքենան հանգրվանել է Երևանի պատմության թանգարանում:
Նյութի աղբյուր՝ https://www.facebook.com/photo.php?fbid=956101131171086&set=a.500519483395922.1073741831.100003136245699&type=3&theater
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
