Մի գուցե այս հարցը որոշ մարդկանց մոտ ժպիտ առաջացնի, սակայն հավատացեք, ծիծաղելի ոչինչ չկա։ Այս հարցը հուզում է հազարավոր կանանց։ Երբ պատրաստվում էի ամուսնանալ, այո սիրում էի։ Սակայն տարիներ են անցնում և ամեն ինչ փոխվում է։ Սակայն այնպես ես ուզում առաջվա պես սիրել։
Եկեք միասին մտածենք ինչպես կրկին սիրել սեփական ամուսնուն։
Նրա թերությունները
Բոլոր մարդիկ էլ թերություններ ունեն, և մենք նրանց ընտրում ենք այդ թերություններով հանդերձ։ Սակայն, եթե ամուսնացել ենք, ուրեմն այդ թերությունները մեզ մոտ բացասական էմոցիաներ չեն առաջացրել։
Ուշադիր զննեք ձեր ամուսնուն․ մի գուցե նրա մոտ ի հայտ են եկել նոր բացասական հատկություններ, որոնք չե՞ք կարող հանդուրժել։ Այս դեպքում անհրաժեշտ է խոսել նրա հետ և փորձել համատեղ ջանքերով իրավիճակը շտկել։
Արտաքինը
Տղմարդիկ իրենց սիրուհի ունենալու փաստը մեկնաբանում են նրանով, որ ամուսնանալուց հետո կանայք իրենց չեն խնամում, գիրացել են, դադարել են իրենց հետևել։
Իսկ մի՞թե տղամարդիկ այդպիսին չեն։ Ամուսնանալով գեղեցիկ տղամարդու հետ, մի քանի տարի հետո կինը տեսնում է բազմոցին պարկած թմբլիկ մեկին, որը գարեջուր է խմում և չիփս ուտում։ Խոսեք նրա հետ, ասեք այդ մասին։
Սեքս
Տարիների ընթացքում սեքսը հանդարտվում է։ Բայց, եթե ձեր ամուսինը բոլորովին սառն ու անուշադիր է դարձել, ասեք նրան այդ մասին, սակայն այնպես, որ նրան չվիրավորեք։ Դուք ևս որոշ ջանքեր թափեք․ էրոտիկ ներքնաշոր հագեք, ռոմանտիկ ընթրիք մատուցեք և այլն։ Մի խոսքով, եթե դուք համոզված եք, որ թարմացված սեքսը կօգնի ձեզ նորից սիրել ամուսնուն, ապա գործեք։
Կանացի պատրանքներ
Կանացի սիրտն ավելի ջերմ ու զգայուն է, քան տղամարդունը։ Ամուսնանալով սիրած տղամարդու հետ, ցանկացած կին կարծում է, որ այն հավերժ է լինելու։
Հարկավոր չեն պատրանքներ։ Կրակը չի կարող միշտ վառվել։ Տարիների ընթացքում սերը մարում է․ դա նորմալ երևույթ է։ Ազատվեք ավելորդ հույսերից և վայելեք կանացի հանդարտ երջանկությունը։
