Մենք` հայերս, մի շատ վատ սովորություն ունենք` հիանում ենք այն ամենով, ինչը մերը չէ, իսկ մեր ունեցածը չենք նկատում և չենք գնահատում: Բայց եթե մի փոքր ավելի շրջահայաց լինենք, կնկատենք, որ մեր կողքին շատ ավելի տաղանդավոր մարդիկ են ապրում ու ստեղծագործում:
Վերջերս սոցիալական ցանցերի հայ աստղերի էջերում երևի նկատած կլինեք նրանց լուսանկարների իլյուստրացիաները: Սկզբում Սիրուշոն, հետո Լիլիթ Հովհաննիսյանը, ապա Արփի Գաբրիելյանն ու Վիկա Մարտիրոսյանը գնահատեցին այդ իլյուստրացիոն նկարները և դրանք տեղադրեցին իրենց Ֆեյսբուքյան ու ինստագրամյան էջերում և շնորհակալություն հայտնեցին Lilith Illust-ին:
BlogNews.am-ը փորձեց գտնել այդ նկարների հեղինակին և զրուցել նրա հետ:
Lilith Illust անվան ներքո ներկայանում է 15-ամյա Լիլիթ Օհանյանը, ով ծնվել և մեծացել է Թաթարստանի մայրաքաղաք Կազանում: Նա չունի մասնագիտական կրթություն, չի հաճախել նկարչության դասընթացների: Դեռ դպրոցական է, սակայն ապագայում երազում է ավելի կատարելագործել իր ունակություններն ու դառնալ դիզայներ-մոդելավորող, ունենալ սեփական ապրանքանիշը:
Լիլիթը նկարել սկսել է շատ վաղ տարիքից`4-5 տարեկանում: Բայց դեռ մանկուց ունեցել է շատ հստակ ուղղվածություն` նորաձևություն: Աղջկա խոսքով մինչ օրս նա չի դավաճանում իր ընտրած ուղղությանը:
Lilith Illust անվան տակ նա սկսել է ստեղծագործել 2015 թվականի ամառվանից, մինչ այդ ներկայանում էիր անուն ազգանունով: Ըստ Լիլիթի ինը սիրում է նկարել յուրահատուկ ոճ և հետաքրքիր արտաքին ունեցող մարդկանց: Իր հերոսները հիմնականում հայ հայտնիներ են, քանի որ իրենց արտաքին տվյալներով ու ճաշակով նրանք չեն զիջում արտասահմանյան աստղերին:
Եթե հետևեք Լիլիթի էջին, կնկատեք, որ առավել հաճախ նա նկարում է Լիլիթ Հովհաննիսյանին, իսկ պատճառը Լիլիթի` բոլորից տարբերվող արտաքինն է ու նորաձևության վերաբերյալ լավ պատկերացումները: Լիլիթի վառ կերպարները նրա հաար ոգեշնչման աղբյուր են:
Lilith Illust-ը չի նկարում գումարի դիմաց, քանի որ յուրաքանչյուր նկարի հետ կապված առանձնահատուկ էմոցիաներ է ունենում, իսկ պարտավորված նկարելիս դրանք չի ունենա: Երբեն-երբեմն կարող է ինչ-որ մեկի խնդրանքով նկարել, բայց դա անելուց առաջ անպայման նայում է այդ մարդու ոճային լինելուն:
Լիլիթի էջը Ֆեյսբուքում` Lilith Illust, Ինստագրամում` lilith_illust
BlogNews-ը շարունակելու է բացահայտել հայ տաղանդավոր երիտասարդներին:
Պատրաստեց Անի Հակոբյանը
