Արդեն գարուն է և ժամանակն է զգեստապահարանը թարմացնել գարնանային վառ գույներով, ինչն էլ կարող եք անել «Երևան Մոլ»-ի առաջին հարկում բացված Baleno հագուստի խանութ-սրահից: Այստեղ դուք կգտնեք նորաձև հագուստ, իսկ բարեհամբույր աշխատողները Ձեզ կօգնեն ճիշտ ընտրություն կատարել:
Մինչ բացման բուն արարողությունը սկսելը, խանութում արդեն ներկա էին մարդիկ, ովքեր հետաքրքրված նայում էին տեսականին, ոմանք էլ որոշեցին գնումներ կատարել: Բացման ամբողջ կազմակերպչական հարցերով զբաղվել էր “Love Prodaction”-ը. « Մեզ առաջարկեցին զբաղվել կազմակերպչական հարցերով, մենք էլ սիրով ամեն բան նախապատրաստեցինք»,-նշում է Նարբեն Պողոսյան:
Բացման արարողության հանդիսավարությունը վստահված էր Vitamin ակումբից հայտնի Չարենցին, ով նշեց, որ հաճախորդներին մի քանի անակնալ է սպասվում. առաջին գնորդները կարողացան իրենց ձեռքը հավերժացնել խանութի պաստառին, իսկ խաղարկությանը մասնակցած երկու անձինք հնարավորություն ստացան իրենց ցանկությամբ հագուստ ընտրել:
BlogNews.am-ի հետ զրույցում խանութի մենեջեր Մարինե Պետիկյանը նշեց, որ Baleno-ն բավականին հայտնի բրենդ է ամբողջ աշխարհում և առաջին անգամ է բացվում Հայաստանում. «Առաջին խանութը բացել ենք Երևան մոլում, բայց ունենք նաև նպատակ ընդլայնվելու: Մեր խանութի կարգախոսն է make your own style և համոզված ենք, որ ցանկացած ոճ նախընտրող մարդ կարող է իր համար այստեղից հագուստ ընտրել»:
Խանութի տեսականին շատ բազմերանգ է և ամենաակարևորը՝ նորաձև. «Մենք ունենք կանանց, տղամարդկանց և մանկական բաժիններ: Հատկապես տղամարդկանց հագուստի տեսականին շատ է մեր խանութում։ Ի դեպ, բոլոր հագուսները բամբակյա են, ունենք նաև վերարկուներ, որոնք ջրակայուն են»:
Խանութում կարելի է համատեղել որակյալը, նորաոճը և մատչելին։ «Մենք ունենալու ենք նաև շատ զեղչեր, հետաքրքիր ակցիաներ, որոնց մասին կարող եք տեղեկանալ մեր ֆեյսբուքյան պաշտոնական էջից»:
Նորաձևության միտումներից մեկն էլ “Family look”-ն է։ Այս խանութում նման տեսք ստանալու համար կարող են հաճախել ողջ ընտանիքով:
Խանութը գտնվում է «Երևան Մոլ»-ի առաջին հարկում, Արշակունյաց 34
Ամբողջական տեսականուն կարող եք ծանոթանալ` այցելելով խանութի ֆեյսբուքյան էջ
Նյութը` Սիրանուշ Գրիգորյանի
Լուսանկարները` Կարեն Հովհաննիսյանի
