Araratnews.am-ը գրում է.
Հայաստանի և Չեխիայի կառավարությունների միջև նախատեսվում է կնքել ռազմատեխնիկական համագործակցության համաձայնագիր:
Համաձայնագրի կնքմանը հավանություն տալու մասին հարցն ընդգրկված է կառավարության փետրվարի 25-ի նիստի օրակարգում:
Համաձայնագրով նախատեսվում է ռազմական նշանակության արտադրանքի մատակարարում, նորոգում, արդիականացում, շահագործում և տեխնիկական սպասարկում, ռազմական նշանակության թույլատրված արտադրատեսակների արտադրության կազմակերպում, արտադրանքի հետազոտում և մշակում: Իրականացվելու է նաև մատակարարման համար նախատեսված ռազմական արտադրանքի որակի հսկողության ապահովում, մասնագետների և տեխնիկական անձնակազմի ուսումնական հաստատություններում պատրաստում:
Համաձայնագիրը նախատեսում է համագործակցություն հայկական և չեխական ձեռնարկությունների, կազմակերպությունների և հաստատությունների միջև ռազմատեխնիկական համագործակցության ոլորտում առանձին պայմանագրերի կնքմամբ: