Համեղ լինելուց բացի հապալասը դրական ազդեցություն է ունենում սրտի առողջության վրա: Հապալասը հզոր հակաօքսիդանտային հատկություն ունի, որի շնորհիվ օգնում է պայքարել ազատ ռադիկալների դեմ և բարելավել սիրտ-անոթային համակարգի առողջությունը:
Հապալասի երկարատև օգտագործումը նվազեցնում է սրտամկանի ինֆարկտի կամ սրտի կաթվածի վտանգը երիտասարդ և միջին տարիքի կանանց մոտ:
Սննդաբանների անցկացրած մեկ այլ հետազոտության արդյունքների համաձայն` հապալասի ամենօրյա օգտագործումը կարող է կարգավորել արյան բարձր ճնշումը և զարկերակային խնդիրները` հատկապես մեծ տարիքի կանանց մոտ:
Հապալասի պարունակության մեջ առկա հակաօքսիդանտները`
բարելավում են հիշողությունը,
նվազեցնում են Ալցհայմերի հիվանդության առաջացման վտանգը,
բարելավում են մարսողությունը,
կանխում են քաղցկեղի առաջացումը:
Սննդային արժեքը. մեկ բաժակ հապալասը պարունակում է 80 կալորիա, ուստի որոշ առումով հագեցնող է: Այն հարուստ է նաև դիետիկ մանրաթելերով և կարող է ապահովել օրական մանգանի անհրաժեշտ քանակի 25 տոկոսը:
