Բժիշկներն ու հեքիմներն տարակուսած են. աղջնակի ականջում շարունակում են մրջյուններ հայտնվել (լուսանկարներ, տեսանյութ)

Մրջյունների հետ խնդիրները Շրեիայի մոտ սկսվել են անցյալ տարվա օգոստոսից և այդ ժամանակից ի վեր բժիշկներն արդեն հեռացրել են 1000–ից ավել մրջյուն։ Ամենահետաքրքրականն այն է, որ ոչ ոք չգիտի, թե որտեղից են հայտնվում միջատները։

Մասնագետներն անգամ ստուգել են երեխայի բնակության վայրը, բայց այնտեղ միջատների զարգացման համար ոչ մի բարենպաստ պայման չկա։ Ծնողները ևս անելանելի վիճակում են։ Փորձել են ամեն ինչ, սկսած բժիշկներից, ճառագայթային հետազոտություններից,վերջացրած հեքիմներով։ Ապարդյուն։ Ոչ ոք չի կարողանում հստակ ասել, թե ինչպես են միջատները հայտնվում այնտեղ։

Ականջախեցում անոմալիաներ չկան, աղջիկը ցավ չի զգում, չնայած միջատները կծում են նրան, թմբկաթաղանթը վնասված չէ, բայց ամեն անգամ մրջյուններին հեռացնելուց հետո նրանք նորից ու նորից հայտնվում են երեխայի ականջում։