Tert.am–ը գրում է.
Դուբայում բացվել է Garden Glow «փայլող» այգին, որը առաջին հայացքից «Դիսնեյի» հեքիաթային այգիներն է հիշեցնում, սակայն այստեղ ամեն մի ցուցանմուշ պատրաստված է վերամշակված նյութերից:
Ինչպես ներկայացնում է Tech insider-ը` 8 մլն դոլար արժողությամբ այգին տեղակայված է Դուբայի Zabeel Park զբոսայգու տարածքում:
Ըստ քաղաքի ղեկավարության` նորաբաց պարտեզը ամենամեծ լուսավորված թեմատիկ այգին է ողջ աշխարհում: Այստեղ մի շարք ներկայացումներ են ցուցադրվում:
Այգում կարելի է հանդիպել գունագեղ քանդակների` կակաչների այգու, աֆրիկյան սավաննայի, մրջյունների գաղութի, ուղտերի քարավանի տեսքով:
Այգում կարելի է տեսնել աշխարհի ամենաբարձր շինության «Բուրջ Խալիֆայի» կրկնօրինակը: Այն 12 մետր բարձրություն ունի և պատրաստվել է դեղահաբերի շշերից` լցված գունավոր ջրերով:
Այգում տեղ է գտել նաև ամենամեծ մզկիթներից մեկի` Շեյխ Զայեդի մզկիթի կրկնօրինակը` պատրաստված 90 000 պլաստիկե բաժակներից և ափսեներից:
