Tert.am-ը գրում է.
Շրջակա միջավայրի իրավական պաշտպանության կենտրոնի տնօրեն, էկոլոգիական իրավունքի պրոֆեսոր Աիդա Իսկոյանը գտնում է, որ ՀՀ արդարադատության փոխնախարար Արման Թաթոյանը համապատասխանում է Մարդու իրավունքների պաշտպանի պաշտոնին:
«Ես գտնում եմ, որ երբ իրավաբանին են նշանակում այդ պաշտոնին, նա մտածում է, որ պետք է գործի օրենքի շրջանակներում՝ ոչ աջ, ոչ ձախ: Արման Թաթոյանն այդպիսի անձնավորություն է, ինքը հստակ գիտի, թե օրենքն ինչ է պահանջում, շատ լավ կողմնորոշվում է, որ պետք է միայն օրենքով շարժվի»,-ասաց նա:
Նա նշեց, որ Օմբուդսմենի պատասխանատու պաշտոնը պետք է զբաղեցնի մարդ, ով անկախ է:
«Կարծում եմ, որ Արմանը դա ունակ է անել, պետք է այնպես անի, որ օրենքը աշխատի բոլորի համար, իր թիկունքում է կանգնած օրենքը: Եթե խոսում ես օրենքի լեզվով, դա դառնում է խաղի կանոնը, և ոչ մեկ ոչինչ չի կարող ասել»,-ասաց նա և նշեց, որ շատ դժվար պաշտոն է ՄԻՊ-ի պաշտոնը, և այդ պաշտոնին նշանակվողը պետք է փորձ ունենա, որպեսզի պետական կառույցների և ՀԿ-ների հետ աշխատի, լինի շատ անկախ:
Նյութի աղբյուր՝ http://www.tert.am/am/news/2016/02/08/iskoyan/1925555
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել