Tert.am–ը գրում է.
Տանզանիայի հեռավոր գյուղերից մեկում ոստիկանները հայտնաբերել են բետոնե ստորգետնյա փոսի մեջ փակված մի կնոջ, ով ոչ մարդկային պայմաններում ապրել է 8 ամիս շարունակ:
Ինչպես հայտնում է The Daily Mail-ը, կնոջն ազատազրկողն իր ընկերն է, ով, հետևելով շամանի խորհրդին, այդպես է վարվել` հավատալով, որ դա կօգնի իրեն հարստանալ։ Սարսափելի կտտանքների ենթարկված կինը պատմել է, որ տղամարդն իրեն կերակրում էր շաբաթական 2 անգամ` թույլ չտալով տեսնել արևի լույսը:
Հայտնի է, որ իրավապահները գտել են կնոջը`տղամարդու հարևաններից համապատասխան բողոք ստանալուց հետո: Նրանք լուրջ կասկածներ են ունեցել, որ ստորգետնյա հորի մեջ ինչ-որ մեկն ապօրինաբար պահվում է:
Ձերբակալված տղամարդը պատմել է, որ հավատացել է շամանին, ով ասել է, որ այս աշխարհում իր ամենասիրած մարդուն փոսի մեջ պահելու դեպքում ինքն անպայման կհարստանա:
