Tert.am-ը գրում է.
Ադրբեջանական զինուժն այսօր կրակ է բացել Տավուշի մարզի սահմանամերձ Բերքաբեր գյուղի ուղղությամբ:
Tert.am-ի հետ զրույցում ՀՀ պաշտպանության նախարարության հասարակայնության հետ կապերի բաժնից տեղեկացրին, որ հրադադարի ռեժիմի խախտման հետևանքով վնասվել է գյուղի բնակչին պատկանող «ՎԱԶ-2101» մակնիշի ավտոմեքենան:
«Տուժածներ չկան: Գնդակոծությունից վնասվել են ավտոմեքենայի դիմապակին և անվադողերը»,-նշեցին նախարարությունից:
Իսկ թե դեռևս շարունակվո՞ւմ է գյուղը գնդակոծվել, նախարարությունից նշեցին, որ հրադադարի ռեժիմի խախտումներ արձանագրվում են, որոնք անկանոն բնույթ են կրում:
Նյութի աղբյուր՝ http://www.tert.am/am/news/2016/02/03/vaz2101/1920436
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել