Աշոտյանի ջրիկ-մրիկ բաները եթե դնում ենք մի կողմ ու նաև մի կողմ ենք դնում, որ կրթության և գիտության խիստ ստրատեգիական ոլոլորտներն այնքան էլ ցանկալի դինամիկայով չեն զարգանում, պետք է ճշմարտության դեմ չմեղանչել ու բարձրաձայն ասել, որ այս երիտասարդ նախարարն ամենահասանելին ու ամենաաչալուրջն է մյուսների համեմատ: Ինձ որ անձամբ շատ են դուր գալիս նրա արագ արձագանքներն իր ղեկավարած ոլորտի հետ կապ ունեցող բոլոր շրջանակներին: Ինֆորմացիոն արագ արձագանքները նախ՝ 1. Կանխում են հնարավոր խուճապները և դեզինֆորմացիաների տարածումն այս ոլորտի վերաբերյալ:
2. Զգում ես, որ այս նախարարը միշտ իր տեղում է և, ամենակարևորը, դրության տերն է միշտ:
Մտածում էի՝ այսքանով կարճ կապել, որովհետև պաշտոնյա գովելը մի տեսակ չեմ ընդունում, որովհետև պարտականությունները կատարելու համար գովելը մի տեսակ ուրիշ տեղ է տանում: Ուստի մի խնդրանք-հորդոր-քննադատություն՝ որպես հ.գ.:
Պ. Աշոտյան, կարո՞ղ եք այնպես անել, օրինակ, որ բուհն ավարտած ուսանողը գա՝ աշխատանքի ընդունվելու իր մասնագիտությամբ ու գոնե կարողանա հասկանալ իրեն առաջադրված խնդրի բովանդակությունը: Կատարողականը՝ ջայնամ, կսովորի ընթացքում: Ասենք 10-ից 5-ը գոնե հասկանա-պատկերացնի, այլ ոչ թե փաստացի, անուն առ անուն նշի իր ուսանած մասնագիտություններն ու վկայի, ոչ ոչինչ չեն սովորեցրել, որ սովորի, ու այդպես էլ ավարտել է:
Հ.գ. Թագ չեմ անում Ձեզ, հարգելի՛ Աշոտյան, ընկեր չենք ֆբ-ում, բայց վստահ եմ՝ խաբարս տեղ կհասնի:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
