«Երևան մոլի» «Կինոպարկի» հարևանությամբ «Ռոբոտների շքերթ» է. Անգլիայի, ԱՄՆ-ի, Ճապոնիայի, Ռուսաստանի, Իռլանդիայի և այլ երկրների 20 ինտերակտիվ ռոբոտ, որոնք Երևանում ներկայացնում է «Ռոբոտների կորպորացիա» ռուսական ընկերությունը` Ամերիաբանկի անմիջական նախաձեռնությամբ: BlogNews-ը ներկա է եղել «Ռոբոտների շքերթ»-ին, որտեղ էքսկուրսավարները մեզ ծանոթացրել են ռոբոտների հետ:
Նախասրահում ծանոթացանք ռոբոտների ընտանիքին՝ ռոբոտ հայրը, որը զինվորական է, ռոբոտ որդին, որը շատ է սիրում մեքենաներ, և ռոբոտ մայրը, որը բոլոր մայրիկների պես զբաղվում է տնային գործերով:
3e5c1d17-6109-41b6-923c-dc8a201b46f1b0c6de4c-efa0-4177-9fc6-67a243e1a0bc
Ռոբոտ Բակսթերը ստեղծված է գործարաններում աշխատելու համար: Մեկ անգամ  գործողությունը ցուցադրելու դեպքում ռոբոտը կարող է կրկնել այն, որքան նրան տվյալ գործողությունը հրահանգվի:
Այն վերցնում է, տեղափոխում, հագուստները ծալում, փաթեթավորում, դասավորում, սուրճ պատրաստում, կարող է բարձրացնել մինչև 5 կգ ծանրություն: Ունի թաթիկների 7 տարբերակ, որոնք փոփոխվում են: Ռոբոտը 360 աստիճան պտտվում է, զգայուն է, աշխատանքի ընթացքում կարող է նկատել մարդկանց և չհարվածել, երբ վտանգ կամ բարձր ճիչ է զգում, դադարեցնում է աշխատանքը: Այլ կերպ ասած` Բակսթերն արդյունաբերական ռոբոտների ապագա սերնդի ներկայացուցիչն է:
fec60b6c-bbf2-4d81-b979-aa5cc64227ec
Ռոբոտ Դայակն ակտիվ, չարաճճի ռոբոտ է, որը հետևում է երեխային ծնողների բացակայության ընթացքում: Այս էլեկտրոնային «դայակը» հետևում է երեխայի աչքերի ակտիվությանը, և հենց երեխան արթնանում է, ազդանշան է ուղարկում ծնողների հեռախոսին ու երեխայի հետ շփվելու համար ապահովում ծնողների ներկայությունը: Ռոբոտին միանալու համար անհրաժեշտ է պարզապես միացնել համապատասխան ծրագիրը կամ հավելվածը պլանշետում, որի համար չեն պահանջվում հատուկ հմտություններ։ 
fe95b9f1-83c1-440f-9eec-52e1edd8f53c
Ռոբոտ Պարոն թերապևտիկ ռոբոտ է, որն ունի գրենլանդական փոկի ձագուկի արտաքին: Այն ունի նույն հատկությունները, ինչ կենդանիները: Այն գրանցված է Գինեսի գրքում՝ որպես հակասթրեսային բուժիչ միջոց, քանի որ երբ նրան շոյում ես, այն հանգստացնում է նյարդերը: Պարոն հիմնականում այցելում է ծերանոցներ և մանկատներ, որտեղ կա առանձնահատուկ հոգատարության և քնքշանքի կարիք: 
bf105c76-b180-417d-93cd-f1869e1e434875235453-4615-46b6-81c5-5bc53a483f2a
Ռոբոտ Բարմենը կարող է խառնել 7 տարբեր տեսակի խմիչքներ և պատրաստել համեղ կոկտեյլ: Ունի 1000-ից ավելի բաղադրատոմսեր, սակայն կարող է աշխատել նաև Ձեր առաջարկած բաղադրատոմսով: Այն բավականին շատ քանակությամբ կոկտեյլներ է պատրաստում և նախատեսված է մեծ միջոցառումների համար:
Ռոբոտ Անլանտիմը  պրոմոբոտ է, որն իր էկրանին տեղադրված գովազդով շրջում է առևտրի կետերում, խոսում և հարցերի պատասխանում: Ցանկության դեպքում լուսանկարում է Ձեզ և լուսանկարը տեղում ուղարկում Ձեր էլեկտրոնային փոստին:
11c4ddc8-058f-4223-b7f6-3d00f7e4d5b1
Ռոբոտ Բորիս. եթե ուզում եք ներկա լինել ինչ-որ միջոցառման, բայց չեք կարող, Ձեր փոխարեն կարող եք ուղարկել Բորիսին, նա ամեն բան կտեսագրի և կապահովի Ձեր ներկայությունը տվյալ վայրում:
037acdfc-a289-4672-89c5-cd16aeada366

Ռոբոտ Մուրացկանը կամ, ինչպես նրան այլ կերպ անվանում են, Սոնկան, պատրաստված է փայտից, և, թերևս, հենց դա է նրա հմայիչ և տարբերվող լինելու գրավականը: Ինչպես նշում են էքսկուրսավարները՝ այս ռոբոտը շատ է ցանկանում մի օր ունենալ երկաթե հանդերձանք և այդ իսկ նպատակով նա շրջում է փողոցներով, գումար հավաքում, գումար տվողին օրհնում և երգում նրա համար: Այդքանով հանդերձ՝ Սոնկան մարդկանցից շատ է վախենում և իրեն դիպչելու դեպքում օգնություն է կանչում:

11
Ռոբոտ Յոշան պատվիրվել է Խարկովի ռեստորաններից մեկի սեփականատիրոջ կողմից: Նա մատուցող է, մոտենում է սեղանին, ընդունում պատվերը և մատուցում առանց սխալների:
22

Տաղանդավոր ռոբոտ Նկարիչը ճշտությամբ նկարում է այն ամենը, ինչը համակարգչով հանձնարարվում է նրան. նկարում է մեկ գույնով և առանց ընդհատման:

43fca41e-66e8-4052-b637-f0ddb3199ad5

Բասկետբոլ խաղացող ռոբոտն ի սկզբանե նախատեսված է եղել արտադրությունում ծանր աշխատանքներ կատարելու համար, սակայն Ռոբոտների շքերթում նա բասկետբոլ է խաղում. ճշտությամբ գնդակը նետում է զամբյուղի մեջ և երբեք չի վրիպում:

f5714c05-e741-4c6b-9970-12d79ce11044
Ռոբոտ Ֆուտբոլի օգնությամբ ֆուտբոլասերները կարող են խաղալ իրենց սիրելի խաղը, իսկ ռոբոտ Պինգ Պոնգը թենիս է խաղում և շատ մասնագիտացված. 1 րոպեում 25-80 գնդակ է տալիս՝ ըստ ծրագրավորման:
35fbac3e-85a2-43d7-8669-7707d0abfa2c
a028ec08-ec7a-47e0-9b70-3214c51b5041

Ռոբոտ Տեսպիանը ամենահմայիչն է ու ամենաշատն է գրավում այցելուների ուշադրությունը: Նա շփվում է հյուրերի հետ, հարցեր տալիս, հարցերի պատասխանում, երգում, պարում և անգամ սիրահարվում: Իսկ երբ նրա հետ սելֆի են անում, նա անպայման նշում է, թե տվյալ օրն արդեն քանի անգամ են իր հետ սելֆի արել:

d099309d-b3e4-45f4-8da0-c209f746e21f

Ռոբոզագսն ամուսնացնում է. տալիս է ամուսնական վկայական, մատանիներ և հարսանեկան լուսանկար` որպես հիշատակ: Նա անգամ նկատում է և արտահայտվում է զույգերի էմոցիաների վերաբերյալ: :)

2ba055af-acf4-493e-a513-86d0809ec0ae

Ամենաճկուն ռոբոտները, որ երբևէ տեսել էինք` Պարող ռոբոտներ: Այս ռոբոտները ներկայացնում են պարային շոու և այնքան լավ են շարժվում երաժշտության ռիթմերի ներքո, որ իրենց հետ համահունչ սկսում են պարել նաև ներկաները:

47944449-f075-4eb7-b412-e6d9a1824ca0

Fibrum-ակնոցի միջոցով տեղափոխվում ենք վիրտուալ աշխարհ, իսկ Leap Motion-ի իրական շարժումն արտացոլվում է վիրտուալ աշխարհում` էկրանի միջոցով: Այն պետք է տեսնել:  

ee99edb5-3dc2-42a5-8a9a-a7827d9380ef

Ինֆորմացիոն տեխնոլոգիաների ձեռնարկությունների միության տաղավարում ներկայացված են Հայաստանում արտադրված ռոբոտներ: Եռաչափ տպիչի միջոցով հնարավոր է աճեցնել պլաստմասային ցանկացած դետալ: Ի դեպ, հատուկ երեխաների համար ծրագիրը գրված է հայրենով, այսինքն` փոքրիկներն իրենք կարող են համակարգչային խաղ «ստեղծել» իրենց համար:

b9a20e02-499c-463d-9a15-a8065687adf0

Ամերիաբանկն էլ ունի իր ռոբոտը, որը տերմինալի տեսքով է և հնարավորություն է տալիս կառավարել հաշիվները և կատարել փոխանցումներ:

299747fa-b4ba-4b01-a1eb-df608ae3751c

Շատ տպավորիչ էր «Այբ» դպրոց-տաղավարը, որտեղ դպրոցի սաները ցուցադրում են նրանց պատրաստած ռոբոտները, օրինակ՝ մի ռոբոտը հրշեջ է, մյուսը դուրս է գալիս ամենաբարդ լաբիրինթոսներից, քանի որ շարժվում է պատին զուգահեռ:

b2695397-280c-40a0-b516-9d59a6315224

Ամենագունավոր տաղավարում երեխաներն իրենց ծնողների հետ ստվարաթղթից և գունավոր կպչուն ժապավեններից տեղում կարող են պատրաստել Ռոբո գլխարկներ: Անհրաժեշտության դեպքում նրանց կօգնեն մասնագետները:

2596ab09-2a2c-422a-b9f5-98055e8b58c3

Ռոբոտների շքերթում անցկացվում են նաև ռոբոտաշինության վարպետության դասեր «Թումո» կենտրոնի կողմից: 

Նշենք, որ ռոբոտները Հայաստան բերվել են մեկական օրինակով՝ ցուցադրության համար: Տարածաշրջանում առաջին անգամ Երևանում է գործում այսպիսի ցուցահանդես: Կազմակերպիչները նշում են, որ այցելուներ ունեն նաև Վրաստանից: Ցուցահանդեսը կգործի մինչև հունվարի 10-ը:

Սրահում կան նաև հանգանակությունների արկղեր՝ ծանր հիվանդություններ ունեցող երեխաներին օգնելու համար:

30cac2ff-0195-4843-8bdc-7130960799ae83cb8f29-e977-4fe8-ba8c-2b14668701c5
Նյութը՝ Ամալյա Հովհաննիսյանի
Լուսանկարները՝ Կարեն Հովհաննիսյանի
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել