Slaq.am-ը գրում է.
Արևմտյան երկրների դիրքորոշումը սիրիական հարցի վերաբերյալ փոխվեց Վլադիմիր Պուտինի՝ ՄԱԿ-ի Գերագույն ասամբլեայի ելույթից հետո: Այսպիսի կարծիք է հայտնել ՌԴ արտգործնախարար Սերգեյ Լավրովը, փոխանցում է РИА Новости գործակալությունը:
«Ես կարծում եմ, որ Վլադիմիր Պուտինի հարցի պատասխանը, իսկ հարցը հնչում էր այսպես. «Ի՞սկ այժմ դուք հասկացաք, թե ինչ եք արել», սկսում է բացահայտվել: Եվ Սիրիայում տիրող իրվիճակի վերաբերյալ արձագանքը, եթե մենք այժմ Սիրիայի մասին ենք խոսում, սկսեց փոխվել ՄԱԿ-ի Գերագույն ասամբլեայից հետո»,-հայտարարել է Լավրովը « Ռուսաստանի Ռադիո» տված հարցազրույցում:
«Մենք այդ փոփոխությունները զգացինք ան ժամանակ, երբ ոգեվորությամբ արձագանքեցին Սիրիայի խնդրի թեմայով լայնամասշտաբ և բազմակողմ բանակցությունների անցկացման մտահաղացմանը»,-հավելել է նախարարը:
