Tert.am-ը գրում է.
Եգիպտական Շարմ էլ Շեյխ քաղաքի օդանավակայանում A321 ռուսական օդանավի ուղեբեռը բարձող տղամարդը մեկ այլ աշխատակցից անհայտ ճամպրուկ է ստացել. կան տվյալներ, որ ճամպրուկը ուղեբեռի սկանավորում չի անցել:
Այս մասին հաղորդում է РИА Новости-ն` հղում կատարելով Եգիպտոսի ուժային գերատեսչության աղբյուրին և օդանավակայանի ներկայացուցիչներին:
Ուժային կառույցի անանուն զրուցակիցը գործակալությանը հայտնել է, որ վերահսկողության տեսախցիկների տեսագրության համաձայն` ուղեբեռի վերահսկման օպերատորը թռիչքուղու վրա անհայտ ճամպրուկ է փոխանցել ուղեբեռը ինքաթիռ տեղափոխող աշխատակցին:
Շարմ էլ Շեյխի օդանավակայանից հայտնել են, որ փնտրում են այն երկու աշխատակցին, որոնք առանց վերահսկման են թողել ուղեբեռի սկանավորման ապարատը: Հարցաքննվել են տվյալ չվերթը սպասարկող անձնակազմի բոլոր անդամները, սակայն ձերբակալություններ տվյալ միջադեպի հետ կապված չեն եղել:
Հիշեցնենք, որ ռուսական օդանավը կործանվել էր նոյեմբերի 3-ին Սանկտ Պետերբուրգ թռչելիս, որի հետևանքով 224 մարդ էր զոհվել: