Լեռնային Ղարաբաղի հակամարտության կարգավորման բանակցային գործընթացով զբաղվող ԵԱՀԿ Մինսկի խմբի համանախագահներն առաջիկայում խորհրդակցություններ կանցկացնեն Նյու Յորքում և Վաշինգթոնում: Այս մասին Twitter-ի իր միկրոբլոգում գրել է ամերիկացի համանախագահ Ջեյմս Ուորլիքը.
«Համանախագահները ԵԱՀԿ Մշտական խորհրդում և Մինսկի խմբում զեկույցով են հանդես եկել: Հաջորդիվ նախատեսում ենք ՄԱԿ-ի Նյու Յորքի գրասենյակում և Վաշինգթոնում խորհրդակցություններ անցկացնել Լեռնային Ղարաբաղի հակամարտության խաղաղ կարգավորման վերաբերյալ»:
Ավելի վաղ համանախագահները զեկույցով հանդես էին եկել ոչ միայն ԵԱՀԿ Մշտական խորհրդում, այլ նաև հանդիպում էին ունեցել Գերմանիայի արտաքին գործերի նախարար Ֆրանկ-Վալտեր Շտայնմայերի հետ: Նկատենք, որ հաջորդ տարի ԵԱՀԿ-ում նախագահությունը ստանձնելու է Գերմանիան:
