Tert.am-ը գրում է.
Այսօր ԱԺ հերթական նիստին Միքայել Մելքումյանն իր ելույթում անդրադառնալով դրամավարկային քաղաքականությանը, նա ասաց, որ այս տարի առևտրաշրջանառության կտրուկ նվազում կա և այսպիսի կտրուկ նվազում չի եղել, ինչը կառավարությունը բացատրում է տրանսվերտների կտրուկ կրճատման հետևանքով։
«Ինչպես ԿԲ-ի, այնպես էլ կառավարության խնդիրը այդ ռիսկերը չեզոքացնելն է, կամ գոնե նվազեցնելը»,-ասաց նա:
Միքայել Մելքումյանը ներկայացրեց 2009 թվականից սկսված տնտեսական աճի պատկերը, և նշեց, որ մենք հետ ենք գնացել 2010 թվականի տնտեսական իրավիճակին։
«Կառավարությանը, վարչապետին առաջարկում եմ վերաիմաստավորել այսօրվա քաղաքականությունը և 2016 թվականի բյուջեում նվազագույն աշխատավարձի կտրուկ աճ ապահովել, որովհետև այս պարագայում այս նվազագույն աշխատավարձը չի կարող ապահովել մարտահրավերները, որոնք կան»,- ասաց նա:
Միքայել Մելքումյանն ասաց, որ պետք է նաև վերանայվեն մրցակցային օրենքները և մրցակցային վարչարարությունները, «քանի որ մոնոպոլիզացիան խեղդել է մեզ»: