Tert.am-ը գրում է.
Պլաստիկ վիրաբուժությունն այսօր մեծ տարածում է գտել ամբողջ աշխարհում։ Այն համարվում է բժշկության մեծագույն ձեռքբերումներից: Պլաստիկ վիրահատության մարդիկ դիմում են ի ծնե, ձեռքբերովի և տարատեսակ այլ պատճառներով ունեցած թերությունները շտկելու, վնասվածքները բուժելու, կատարյալ արտաքինի հասնելու ցանկությամբ: Սակայն այսօր այդ տենդենցը որոշների մոտ հիվանդագին աստիճանի է հասնում։ Մեկ անգամ դիմելով նման միջամտության՝ շատերը կախվածություն են ձեռք բերում և պարբերաբար նոր փոփոխությունների ենթարկում իրենց արտաքինը։
Tert.am-ը ներկայացնում է հայկական շոու-բիզնեսի ներկայացուցիչների, ովքեր պլաստիկ վիրահատության կամ էսթետիկ բժշկության միջոցով շտկել են իրենց արտաքինը, հիմնականում՝ քիթը, շուրթերը և հոնքերը։ Նշենք նաև, որ կանայք այս ցուցակում գերակշռում են։
Երգչուհի Անահիտ Սիմոնյանը՝ երգիչ Հայկոյի կինը, դեռ մի քանի տարի առաջ առանձնապես աչքի չէր ընկնում իր արտաքին տվյալներով, բայց այսօր «սելֆի» և «պլաստիկ վիրահատություն» բառերը արտաբերելիս առաջինը կարելի է հիշել հենց նրան։ Նա վիրահատել է քիթը, ուղղել շուրթերը և հոնքերը։ Նրա դեպքում փոփոխությունները աչք են ծակում։
Երգչուհի Լիլիթ Հովհաննիսյանը կարծես թե մի քանի ակնառու փոփոխություններ է արել իր դեմքի հետ։
Ժողովրդական երգիչ Սևակ Ամրոյանը բավականին եթերային տեսք է ստացել քթի վիրահատությունից հետո։ Նրա դեպքում նույնպես փոփոխությունը չնկատելը անհնար է։
Երգչուհի Էմմին առաջիններից էր Հայաստանում, ով վիրահատեց քիթը։
Երգչուհի Լիլուն վիրահատել է քիթը։
Երգչուհի Եվա Ռիվասը վիրահատել է կուրծքը, քիթը և ուղղել շուրթերը։
«32 ատամ ակումբ»-ից Գարիկ Պապոյանը վիրահատել է քիթը։
Հռիփսիմե Հակոբյանը նույնպես վիրահատել է քիթը։
«Հայ սուպեր սթար»-ից հայտնի Աստղիկ Սաֆարյանը վիրահատել է քիթը։
Դերասանուհի Անժելա Սարգսյանը բավականին ակնհայտ փոփոխություններ է կատարել իր արտաքինի վրա՝ վիրահատել է քիթը և կտրուկ փոխել սանրվածքը։
