Tert.am-ը գրում է.
Գլոբալացման և տարածաշրջանային համագործակցության վերլուծական կենտրոնի ղեկավար, քաղաքագետ Ստեփան Գրիգորյանը լրագրողների հետ հանդիպման ընթացքում ասաց, որ Ադրբեջանը վերջին շրջանում անցել է նախապայմաններով խոսելու քաղաքականությանը։
«Ադրբեջանն անցնում է նախապայմանային քաղաքականության: Այս վերջին երկու տարվա ընթացքում նրանք սկսեցին հստակեցնել այդ նախապայմանային քաղաքականությունը, և հենց դրանով եմ պայմանավորում Հայաստանի նախագահի հայտարարությունը Ղարաբաղի հետ կապված»,- ասաց Ստեփան Գրիգորյանը:
Նրա գնահատականով՝ դա կապված չէ նրանով, թե Հայաստանի արտաքին քաղաքականության ուղեգծի փոփոխություն է եղել, այլ պարզապես Հայաստանն իր հայտարարությունն արել է և վերջ. այն է՝ եթե Ադրբեջանը շարունակի իր ապակառուցողական քայլերը, ապա Հայաստանը կճանաչի Արցախը կամ կմիավորվի Արցախի հետ:
«Պարզ է, որ այսքանից հետո միանշանակ կգտնվեն երկրներ, որոնք կճանաչեն Արցախի անկախությունը, և սա արդեն լուրջ մեսիջ է Ադրբեջանին»,-նկատեց քաղաքագետը:
