Նորաձևության տներն արդեն ներկայացնում են աշուն-ձմեռ նոր հավաքածուները։ BlogNews-ը վերսկսում է սեզոնի թրենդների և հակաթրենդների շարքը։ Ոճաբան Արայիկ Գաբաջյանի հետ զրուցել ենք այս աշնան թրենդային և հակաթրենդային գույների մասին։
Ինչ խոսք, որևէ գույն ընտրելիս նախ պետք է հաշվի առնել, որ այն սազի քեզ, սակայն նորաձևության մասին մոռանալ էլ պետք չէ։ Արայիկը նշեց, որ 2015-2016 թվականների թրենդային գույներն են սառը մոխրագույնից մինչև բաց մանուշակագույնը, սուրճի բոլոր երանգները։ «Սրանց հետ համադրելի են ծովի խորը կապույտը, սառը կորալը, խամրած կանաչի բոլոր երանգները»,- նշեց նա ու հավելեց, որ շատ նորաձև է նաև թանաքագույնը։
Դասական համարվող սևը, սպիտակը և կարմիրը շարունակում են մնալ նորաձևության մեջ։ «Այս անգամ նորաձև է չինական կարմիրը, որն իր մեջ ունի կորալի, կարմիրի և նարնջագույնի հավասարաչափ երանգները»,- նկատեց ոճաբանը։
Արայիկի փոխանցմամբ՝ այս սեզոնի հակաթրենդային գույներն են՝ դեղինը, նարնջագույնը, խոտի կանաչը, ոսկեգույնը։
Նյութը՝ Ամալյա Հովհաննիսյանի