Tert.am–ը գրում է.
Թեհրանում կարծում են, որ Սաուդյան Արաբիան պետք է տեղյակ պահի Իրանին ուխտագնացների զանգվածային մահվան հետաքննության ընթացքից:
«Իրանի պես երկրները, որոնք այդքան տառապել են, պետք է իրենց ներկայացուցիչներն ունենան այդ հետաքննության գործում` աղետի պատճառները պարզելու և վստահ լինելու, որ ապագայում նման բան չի կրկնվի», - Իրանի առաջին փոխնախագահ Էսհադ Ջահանգիրիի խոսքը մեջբերում է INTERFAX.RU-ն:
Վերջինս հավելել է նաև, որ Սաուդյան իշխանությունները պատասխանատու են ողբերգության համար և պետք է պատասխանատվություն կրեն:
Հիշեցնենք, որ Սաուդյան Արաբիայի առողջապահության նախարարի` նախօրեին արած հայտարարության համաձայն` ուխտավորների մահվան պատճառ է դարձել աղոթքների ժամանակացույցին և հրահանգներին չհետևելը: Պաշտոնական տվյալներով 719 մարդ է զոհվել, ավելի քան 800-ը` վիրավորվել:
