Tert.am-ը գրում է.
Սեպտեմբերի 6-13-ը Թբիլիսիում կայանալիք գեղեցկության Miss Planet հեղինակավոր մրցույթին առաջին անգամ կմասնակցի նաև Հայաստանը. այս մասին այսօր հրավիրված ասուլիսին ասաց «Թոփ մոդել Հայաստան» փրոդաքշն ազգային ասոցիացիայի գործադիր տնօրեն Լուսինե Բաղդասարյանը:
Հայաստանը ներկայացնող մասնակիցը 17-ամյա Դայանա Դավթյանն է:
Լուսինե Բաղդասարյանը նշեց, թե ոգևորությունը շատ մեծ է: «Մրցույթն առաջին անգամ Թբիլիսիում պետք է անցկացվի և Հայաստանն առաջին անգամ պետք է ներկայանա: Մրցույթը շատ հեղինակավոր է, որին մասնակցում են շուրջ 30 գեղեցկուհիներ՝ աշխարհի տարբեր երկրներից և 20 երկրներից ժյուրիի անդամներ կլինեն, այդ թվում նաև Հայաստանը, որին կմասնակցի «Թոփ մոդել Հայաստան» փրոդաքշն ազգային ասոցիացիայի հիմնադիր նախագահ Գևորգ Ասատրյանը»,- ասաց նա:
«Այնքանով եմ կարևորում, որ մրցույթը գրանցված է համաշխարհային մտավոր սեփականության ապրանքային ցանկում և լիցենզավորված կազմակերպություն է, որին արժանի է և պետք է մասնակցի Հայաստանը»,- ասաց նա:
Թե ինչպես է, որ ընտրությունը կանգ է առել հենց Դայանա Դավթյանի վրա, նշեց, որ կաստինգի արդյունքում են Դայանային գտել: «Ունի շատ հետաքրքիր և՛ արտաքին, և՛ ներքին պոտենցիալ, և՛ լեզուների իմացություն, և՛ ներքին կուլտուրա, որոշեցինք, որ ինքը պետք է ներկայացի Հայաստանը»:
Արտաքին իմիջով և հագուստներով, ըստ նրա, զբաղվել է դիզայներ Ֆաինա Հարությունյանը: Նաև տարազով պետք է մոդելը ներկայան, որը տրամադրեց «Տերյան մշակութային կենտրոնը», որը կլինի արցախյան թեմայով:
Դայանա Դավթյանը նշեց, որ մրցակցություն չկա մյուս աղջիկների հետ և ավելի շատ ընկերանալու տրամադրվածությամբ է գնում մրցույթին: