Tert.am-ը գրում է.
Ուկրաինայի Նախագահ Պյոտր Պորոշենկոն խոստացելէ հետևել, որ օգոստոսի 31-ին Գերագույն ռադայի մոտ տեղի ունեցած բախումների բոլոր մեղավորները պատժվեն: Корреспондент-ի հաղորդմամբ` այդ մասին վերջինս հայտնել է երկուշաբթի երեկոյան հնչած տեսաուղերձում:
«Ինչպես, եթե ոչ հարված թիկունքից կարելի է անվանել այն իրադարձությունները, որոնք տեղի ունեցան այսօր Գերագույն ռադայի մոտ քվեարկությունից հետո… Դա հակաուկրաինական ակցիա էր, որի համար դրա բոլոր կազմակերպիչները, առանց բացառության, քաղաքական ուժերի բոլոր ներկայացուցիչները պետք է խիստ պատասխանատվության ենթարկվեն», - ասել է Պորոշենկոն:
«Փորձել են գրոհել Ուկրաինայի Գերագույն ռադան, մարտական նռնակներ են նետել, սրտից վիրավորել և սպանել են Ազգային գվարդիայի զինվորին, ավելի քան 120 գվարդիականի և ոստիկանության աշխատակցի են վիրավորել», - հավելել է Պորոշենկոն:
Նախագահի խոսքով` սահմանադրական փոփոխությունների օգտին խորհրդարանի չքվեարկելու դեպքում իրական կդառնար միջազգային ուկրաինամետ կոալիցիայի կործանման վտանգն ու ագրեսորի հետ մեն-մենակ մնալու հեռանկարը:
Ինչպես ավելի վաղ հայտնել էր Ուկրաինայի ՆԳ նախարար Արսեն Ավակովը Ռադայի մոտ տեղի ունեցած բախումների ժամանակ մարտական նռնակ է կիրառվել: Շուրջ 30 մարդ ձերբակալվել է, որոնցից մեկի մոտ նռնակ են հայտնաբերել:
