Ա՜խ, նրանք հրաշագեղ են: Չնայած նրանք սարսափելի են, ինչպես մահացու մեղքը, բայց կանայք սիրում են նրանց ոչ իրենց արտաքինի համար:
15. Հյու Լորի
Հյուին բոլորը սիրեցին բժիշկ Հաուսի դերի համար իհարկե: Ավելի ճիշտ՝ սիրեցին բժշկին, իսկ հետո նոր հենց Հյուին: Ու դա շատ տարօրինակ է, որովհետև նման արտաքինով մի բան էլ ագրեսիվ սոցիոպատ լինելը չափից դուրս է: Երևում է, որ «մինուսը մինուսի հետ է տալիս պլյուս»: Հավանաբար դրա համար էլ Լորիին ոչ ոք չէր պաշտում, երբ նա խաղում էր կատակերգական դերեր:
14. Բենեդիկտ Քամբերբետչ
Անգամ կատակ կա, թե ինչպես են Քամբերբետչին շփոթել պանրի հետ: Ի դեպ, դա միայն ազգանվանը չի, որ վերաբերում է, որովհետև դերասանն իրոք ինչ-որ կաթնամթերք է հիշեցնում կամ էլ սատկած դաշտամկան, բայց, գրողը տանի, ի՞նչ էական է այդ ամենը, եթե նա հանճար է:
13. Սերժ Գենսբուրգ
4 ամուսնություն, բազմաթիվ սիրուհիներ ու երկրպագուհիների անհավանական քանակ: Բայց ինչպե՞ս: Մենք չգիտենք, ու եթե դուք հասկանում եք դրա պատճառները, ապա կիսվեք մեզ հետ:
12. Էդրիան Բրոուդի
Երկարաքիթ «բոյլուխ»՝ ողբով լցված աչքերով: Հավանաբար նրա նկատմամբ երկրպագուհիների իռացիոնալ սիրու պատճառը հենց այդ տխուր շան հայացքն է, որը Բրոուդիին միշտ այնքան դժբախտ տեսք է տալիս, որ անհնար է նրան չսիրելը:
11. Դենի Տրեխո
Դենի Տրեխոյի բոլոր հերոսները սովորական մեքսիկացի տղերք են՝ աթոռի ինտելեկտուալ մակարդակով: Բայց ի՜նչ զիլ տիպն է նա, խելագարվել կարելի է. դաջվածքներ, մոտոցիկլետներ, մաչետե… Ու նա իրական կյանքում էլ է այդպիսին, ահա թե ինչում է նրա հմայքի գաղտնիքը:
10. Միկի Ռուրկ
Ժամանակին ծառերը բարձր էին, պաղպաղակը՝ համեղ, իսկ Միկի Ռուրկն այնքան գեղեցիկ էր, որ անհնար էր նրանից աչք կտրել: Դրանից հետո ամեն բան կտրուկ փոխվեց, բայց ուրախացնում է, որ աշխարհում դեռևս կան բաներ, որոնք անփոփոխ են մնացել: Օրինակ՝ Միկիի խարիզման: Ու ի՞նչ կարևոր է, թե ինչ տեսք ունի նա հիմա: Նա սքանչելի է և վերջ:
9. Ժերար Դեպարդյե
Իսկ այ միսյե Դեպարդյեն երիտասարդ տարիքում էլ չէր կարող պարծենալ գրավիչ արտաքինով: Դե իսկ տարիքի հետ նա վերածվեց իր իսկ ծաղրանկարին, ու դա լավ է, որովհետև եթե առաջ նա պարզապես պուպուշ էր, ապա հիմա պուպուշ ու զվարճալի է: Մի-մի-մի:
8. Վենսան Կասել
Ամբողջ աշխարհը շունչը պահած սպասում է, թե երբ են Կասելի վրա պոզեր, պոչ ու սմբակներ բուսնելու: Ահա ձեզ մի դաս, սիրելի՛ երեխաներ. վախեցեք ձեր ցանկություններից, դրանք իրականանում են: Վենսանը փոքր ժամանակ այնքան շատ էր ուզում դիվային տեսք ունենալ, որ իսկական սատանայի նմանվեց: Համենայն դեպս, նրա դեմքը սատանայական է… Ու դրանում ինչ-որ բան կա:
7. Քրիստոֆեր Ուոկեն
Պարոն Ուոկենը ոչ ոքի էլ չի վերածվել, նա պարզապես ծնվել է այսպիսին: Համենայն դեպս, մենք հիշում ենք այն ժամանակները, երբ նա բավականին գրավիչ էր, միայն թե մեծ արևային ակնոցներով ու երբ բերանը փակ էր, որովհետև այդ սպիտակավուն աչքերն ու շնաձկան ժպիտը սարսափեցնում էին մեզ, դեռ երբ մանկապարտեզ էինք հաճախում: Հետո մենք մեծացանք ու սկսեցինք սիրել սարսափելը, որովհետև դա թարմացնում է:
6. Խավիեր Բարդեմ
Բարդեմը հիշեցնում է «Գեղեցկուհին ու հրեշը» մուլտֆիլմի հրեշին. արտաքուստ՝ սարսափելի, իսկ ներքուստ՝ սքանչելի: Խավիերի աչքերը բարի են, հաստատ, իսկ այ նրա ռնգերից պետք է հեռու մնալ: Ձեզ երբևիցե հոտոտե՞լ է մեծ շունը: Դա նման է նրան, ասես կողքիդ թույլ աշխատող փոշեկուլ լինի: Ու Բարդեմն ինչ-որ նման բան է հիշեցնում: Նա հրեշ է, իսկ կանայք սիրում են հրեշների և նույնիսկ պաշտում են դրանց:
5. Մարկ Էնթոնի
Մի տեսակ սարսուռ առաջացնող տիպ է, բայց մենք կարծես թե հասկանում ենք, թե ինչու գեղեցկուհի Ջեյ Լոն ամուսնացավ նրա հետ: Ոմանք սիրում են «գրպանային տղամարդկանց»: Մենք՝ ևս, ու գուցե մենք էլ դեմ չլինեինք ունենալ սեփական վարժեցված թզուկի:
4. Թիմ Ռոտ
Թիմ Ռոտը զարմանալի մարդ է, որովհետև կարող է խաղալ ցանկացած դեր: Իրոք, չկա այդպիսի մի դերը, որը չհամապատասխանի նրան: Հենց այս առեղծվածայնության համար էլ կանայք սիրում են նրան, որովհետև նա կարողանում է այդքան տարբեր կերպարներ մարմնավորել: Իսկ այ թե ուր է կորչում նրա տարօրինակ դեմքն այդ ընթացքում՝ դարի գաղտնիքն է:
3. Դենիել Քրեյգ
Ահա՛, բռնվեցի՜ք: Բոլորն էլ նայել են գերմանական պոռնոֆիլմեր ու երազել սեքսուալ սանտեխնիկի մասին: Դե ինչ երազել եք, այն էլ ստացել եք. ահա նա՝ սեքսուալություն ճառագող Դենիելը, ով, անկեղծ ասած, դասական սանտեխնիկի դեմք ունի:
2. Ալան Ռիկման
«Լսի՛ր Մետատրոնին, Ամենազորի ազդարարին ու Աստծո ձայնին»… «Դոգմա» ֆիլմի ստեղծողները դերասանին վստահեցին հրեշտակի դերը, որովհետև որոշեցին, որ եթե Աստված ունի ձայն, ապա այն պետք է նման լինի Ալան Ռիկմանի ձայնին: Նրա ֆիլմերը դուբլյաժով նայելը հանցագործություն է, միայն սուբտիտրեր: Բացի դրանից, Ռիկմանը նույն Սնեյպն է՝ Սևերուս Սնեյպը: Էլ ի՞նչ ավելացնել: Միայն մեկ բան. մենք թքած ունենք, որ Ալան Ռիկմանը նման է ծեր առնետի, որովհետև նա հանճար է՝ Սևերուսն է և վերջ:
1. Ադրիանո Չելենտանո
Պատվավոր առաջին հորիզոնականն ու ամենասարսափելի սեքսի-մաչոյի կոչումը տրվում է սիրելի Ադրիանոյին: Նախ՝ նա իսկապես ամենատգեղն է այս ցուցակում, երկրորդն էլ՝ նա առհասարակ ամենա-ամենան է. ամենատաղանդավորը, ամենասեքսուալը, ամենապուպուշը, ամենա… Համ էլ մենք սիրում ենք նրան դեռ օրորոցային տարիքից ու չենք դադարի սիրել նրան երբեք, որովհետև մեր մայրիկներն էլ էին սիրում նրան, ու հավանաբար նրան դեռ կսիրեն մեր աղջիկները: Նա հիասքանչ է:
