Մարդը շատ հաճախ գտնվում է կարծրատիպերի ազդեցության տակ։ Նույնիսկ այնպիսի հետաքրքիր և գրավիչ զբաղմունքում, ինչպիսին ճանապարհորդությունն է, նրանք, միևնույնն է, հետևում է առավել հայտնի ու տարածված երթուղիներին։ Բայց բավական է մեկ քայլ շեղվել գծած երթուղուց, և ձեր առջև կբացվեն այնպիսի գեղեցիկ տեսարաններ, որոնց մասին շատերը կամ չգիտեն, կամ էլ չեն համարձակվել այցելել։
1. Բախարախ, Գերմանիա
Մի անգամ Վիկտոր Հյուգոն այս քաղաքն անվանել է «աշխարհում ամենահիասքանչը», և նույնիսկ այսօր դժվար է չհամաձայնվել։ Երևի մեծ գրողի ժամանակներից քիչ բան փոխված լինի այստեղ։ Այստեղ ամենուր Միջնադարի շունչն է տիրում։ Հին միջնադարյան տներ, սալաքարերով նեղ փողոցներ, հինավուրց եկեղեցիներ։ Այստեղ պետք է գալ` զգալու համար այս մթնոլորտը, որը համարվում է քաղաքի այցեքարտը։
2. Մանարոլա, Իտալիա
Իտալիայում ճանապարհորդելիս պետք է ուղևորվել երկրի հյուսիս և այցելել Չինկվե–Տերրե ազգային պարկ, որը բաղկացած է 5 ոչ մեծ բնակավայրերից` կառուցված հենց ժայռերի վրա և իրար միացված ստորգետնյա ճանապարհներով։ Մանարոլան դրանցից ամենագեղատեսիլն է։ Գույնզգույն տնակներն ասես կախված լինեն ժայռից։ Բնակավայրը շրջապատված է խաղողի այգիներով, և տեղի գինին հայտնի է իր նուրբ համով։ Նավամատույցից կարելի է ոչ մեծ նավակ վարձակալել և ուղևորվել ծովային շրջագայության։ Ծովից քաղաքի չտեսնված տեսարան է բացվում։
3. Օդենսե, Դանիա
Միայն այսպիսի հեքիաթային գեղեցկությամբ քաղաքում կարող էր ծնվել բոլոր ժամանակների և ազգերի լավագույն հեքիաթասաց Հանս Քրիստիան Անդերսենը։ Հնարավոր է՝ իր ստեղծագործություններում նա հենց Օդենսենն է նկարագրել, որտեղ անցկացրել է մանկությունը։ Ոչ մեծ տներ, նեղ փողոցներ ու միջնադարյան ամրոցներ, և թվում է, թե ուր որ է փողոցի անկյունից դուրս կգան հովվուհին և ծխնելույզ մաքրողը։ Այսօր շատ քիչ թվով ճանապարհորդներ են գնում Օդենսե։ Նրանք հիմնականում գնում են հարգանքի տուրք մատուցելու հայտնի գրողին և զբոսնելու Անդերսենի պարտեզում։ Ինչպես նաև այստեղ կարելի է այցելել գրողի տուն–թանգարան և հիանալի պահպանված Նյուբորգ և Էգեսկով ամրոցներ։
4. Գենտ, Բելգիա
5. Ալբարրասին, Իսպանիա
Իզուր չէ, որ այս քաղաքը համարվում է Իսպանիայի ազգային արժեքը։ Այն նաև ճանաչվել է երկրի ամենագեղեցիկ վայրը։ Իսկ դուք չե՞ք լսել նրա մասին։ Անհապաղ պետք է ուղղել այդ սխալը։ Ալբարրասինը հայտնի է իր պատմությամբ, որը սկիզբ է առնում մեր թվարկությունից առաջ, իր բնական հարստությամբ և... դռների բռնակներով։ Քաղաքի յուրաքանչյուր տան, յուրաքանչյուր դռան բռնակ տեղի վարպետների անհատական ձեռքի աշխատանքն է և ունի իր անկրկնելի յուրահատկությունը։
6. Մոստար, Բոսնիա և Հերցեգովինա
Զբոսաշրջիկներն առանձնապես մեծ ուշադրություն չեն հատկացնում այս պետությանը, առավել ևս այնպիսի փոքր քաղաքի, ինչպիսին Մոստարն է։ Բայց իզուր։ Կոլորիտային և հարմարավետ այս քաղաքը հիմնադրվել է 15–րդ դարում, Ներետվի գետի ափին։ Այդ ժամանակներից ի վեր այդ վայրում բազմաթիվ ճակատամարտեր և կռիվներ են եղել, բայց պատմական կենտրոնը հրաշքով կանգուն է մնացել։ Մոստարայի այցեքարտը Հին կամուրջն է, որը միացնում է 2 ժայռոտ ափերը, որոնց վրա տեղակայված է քաղաքը։ Չնայած սա մեկ օրվա քաղաք է, բայց դրա վրա ծախսված օրն իզուր չի լինի։
7. Տրուն, Լեհաստան
Լեհաստանը նույնպես կարող է զարմացնել այն զբոսաշրջիկներին, ովքեր կորոշեն մինչև Վարշավա և Կրակով հասնելը շեղվել ուղուց։ Տորունը գտնվում է երկրի հյուսիսում և բավական հայտնի է տեղի լեհերի շրջանում։ Նրանք ժամանում են այնտեղ, որպեսզի ավելի լավ ճանաչեն իրենց պատմությունն ու մշակույթը, քանի որ այս քաղաքը մինչ օրս իր մեջ միջնադարյան գաղտնիքներ է պարունակում։
8. Օլոմոուց, Չեխիա
Չեխիան եվրոպական կյանքի մասին մեր պատկերացումների մարմնացումն է, և նույնիսկ այնպիսի փոքրիկ քաղաքը, ինչպիսին Օլոմոուցն է, չնայած բազմադարյա պատմությանը, այսօր ակտիվ մշակութային կյանք է վարում։ Քաղաքը գտնվում է երկրի արևելքում և իրենից բաց երկնքի տակ թանգարան է ներկայացնում։ Այնտեղով միայն զբոսնելն արդեն հետաքրքիր պահեր է խոստանում։
9. Գիտհորն, Նիդերլանդներ
Այս քաղաքի գրավչությունը կայանում է նրանում, որ այստեղ ոչ մեքենաներ կան, ոչ ճանապարհներ։ Դրանց փոխարեն ջրանցքներ ու նավակներ են։ Եվ բնակիչներն իրենց փոխադրամիջոցները կայանում են խոտածածկ տարածքների մոտ։ Բոլոր տները մաքուր են՝ պատված ծղոտե տանիքներով, իսկ դրանց շուրջ տարածվում են ծաղկող այգիները։ Այստեղ ապրելը երևի ձանձրալի է, բայց եթե այն այցելեք մեկ–երկու օրով, կթվա, թե ընկել եք զուգահեռ իրականություն, որտեղ բոլորն ապրում են հանգիստ և երջանիկ։
10. Բլեդ, Սլովենիա
Առողջարանային քաղաք Բլեդն իսկական դրախտ է բոլոր նրանց համար, ովքեր ցանկանում են հիանալ բնությամբ, զբոսնել սարերով, լողալ մաքրամաքուր լճերում և շնչել լեռների մաքուր օդը։ Այս մեկուսի քաղաքը հայտնի է ոչ միայն իր բնական հարստությամբ, այլև ոչ մեծ լճի կենտրոնում գտնվող, կանաչով պատված կղզու անսովոր եկեղեցիով։