Աշխարհի տարբեր ծայրերում գտնվող թանգարաններում պահվում են բազմաթիվ զարմանալի էքսպոնատներ, բայց դրանց մեջ կան այնպիսիք, որոնք ոչ միայն զարմանք են առաջացնում, այլև բացահայտ շոկի են ենթարկում ու զզվանք առաջացնում: Ձեզ ենք ներկայացնում նմանօրինակ 10 շոկային ու զարհուրելի էքսպոնատներ:
1. Ցիկլոպ երեխան (Ֆրոլիկ թանգարան, Ամստերդամ, Նիդերլանդներ)
19-րդ դարում մարդաբաններ հայր ու որդի Գերարդ ու Վիլեմ Վրոլիկն ուսումնասիրում էին մարդկային մուտացիաները: 1834 թվականին Վիլեմը բժշկության մասին մի գիտական աշխատություն հրապարակեց, որում նա անդրադարձավ հազվագյուտ բնածին արատի, որը հայտնի է որպեց ցիկլոպիա: Այս արատի ժամանակ էմբրիոնի մոտ սխալ են ձևավորվում աչքերի խոռոչները, ինչի արդյունքում գոյանում է խոռոչ գանգի կենտրոնական հատվածում:
Նման արատի հավանականությունը 16000-ից 1-ն է, ու ցիկլոպների մեծամասնությունը ծնվում են արդեն մահացած: Վրոլիկները մի ամբողջ հավաքածու կազմեցին, որի մեջ ներառեցին 5 մարդկային ցիկլոպների ու 19 խոզերի, գառների ու կատուների: Այսօր այդ ահասարսուռ հավաքածուն կարելի է ուսումնասիրել Ամստերդամի համալսարանի անատոմիայի ու էմբրիոնոլոգիայի ֆակուլտետում:
2. Խլուրդների բանկա (Գրանտի կենդանաբանության թանգարան, Լոնդոն, Միացյալ Թագավորություն)
Բրիտանիայում կարելի է տեսնել նաև այսպիսի ցնդաբանություն: Ճիշտ է՝ բանկայի մեջ փակված 18 խլուրդները սարսափելի չեն, բայց միևնույն է՝ տեսարանը տարօրինակ է: Բացի դրանից, այս թանգարանում կարելի է տեսնել անակոնդայի կմախք, դոդո թռչնի ոսկորներ ու ուղեղների մեծ հավաքածու:
3. Մարդկային հսկայական տրիխոբեզոար (Բժշկության ու առողջության ազգային թանգարան, Մերիլենդ, ԱՄՆ)
Կատուները հաճախ են տանջվում բեզոարների՝ չմարսվող մատերիայի կուտակումներից, որոնք հիմնականում մազի կծիկներից են բաղկացած: Սակայն միայն կատուները չէ, որ ունենում են այս խնդիրը: Դա հնարավոր է նաև այլ կենդանիների մոտ, իսկ մարդու մարմնից հանված խոշորագույն տրիխոբեզոարը հանել են 12-ամյա մի աղջկա ստամոքսից, ով մազեր ուտելու կպչուն սովորություն ուներ:
4. Գլխի հրազենային վնասվածքով զոհի գլուխը (Սիրիրաժ բժշկական թանգարան, Բանգկոկ)
Թաիլանդիի հնագույն հիվանդանոցի պատերի ներսում է գտնվում «Մահվան թանգարանը», ինչպես այն անվանել են տեղաբնակները: Այն ունի 6 տարբեր բաժիններ. պաթոլոգիաներ, դատաքննություն, թայական բժշկության պատմություն, մակաբուծաբանական, անատոմիայի ու նախապատմություն: Թանգարանի ամենացնցող ցուցանմուշներից մեկը սպիրտի մեջ պահվող կտրված գլուխն է: Այն երկու կեսի է բաժանված, որպեսզի ցույց տրվի դրա միջով անցած փամփուշտի ուղեգիծն ու վերջինիս պատճառած հետևանքները:
5. Հսկայական հաստ աղիք (Մյուտտեր թանգարան, Ֆիլադելֆիա, ԱՄՆ)
Գիրշպրունգի հիվանդությունը սկսվում է, երբ պտղի հաստ աղիքի նյարդային հանգույցները վերջնականապես չեն ձևավորվում հղիության շրջանում: Դա բերում է նրան, որ որոշակի մկաններ չեն ստանում կծկվելու ազդակներ, ինչը հանգեցնում է սարսափելի խցանումների: Արդյունքում աննորմալ մեծ հաստ աղիք է զարգանում, որը տվյալ դեպքում հասցրել էր աճել մինչև 240 սմ ու կշռում էր 18 կիլոգրամ: Համեմատության համար դրա կողքին դրված է նորմալ չափերի հաստ աղիք…
6. Ձվարանների տերատոմներ (Մարդկային հիվանդությունների թանգարան, Սիդնեյ, Ավստրալիա)
Նոր Հարավային Ուելսի համալսարանում գտնվող Մարդկային հիվանդությունների թանգարանում կարելի է գտնել մարդու մարմնի ամենատարբեր մասեր ու օրգաններ, սակայն թանգարանի ամենաուշագրավ ցուցանմուշը բարորակ ուռուցքով ախտահարված ձվարաններն են (սեռական բջիջների քաղցկեղ, երբ ձվարանի բջիջների բուռն աճ է կատարվում): Ծայրահեղ դեպքերում սա առաջացնում է մի տարօրինակ ուռուցք, որը մազեր ու ատամներ է ունենում:
7. Անատոմիական մեքենաներ (Սան Սևերո կապելայի թանգարան, Նեապոլ, Իտալիա)
Նեապոլում գտնվող Սան Սևերո վանքի նկուղում պահվում են Եվրոպայի պատմության երկու ամենասարսափելի գտածոները: Դա երկու կմախքներ են՝ տղամարդու ու հղի կնոջ, որոնք պառկած են իրար կողք: Հատկապես ցնցում են իդեալականորեն պահպանված արյունատար անոթները: Այս «մեքենաները» ստեղծել է 18-րդ դարի սկզբում ապրած բժիշկ Ջուզեպպեն Սալերնոն, ու այդ մարմիններն ամենալավ պահպանվածներն են այդ ժամանակներից, սակայն դրանց գունավորումն ու պահպանված արյունատար համակարգերը հարցեր են առաջացնում: Ոմանք ասում են, որ թեև կմախքներն անխոս իրական են, սակայն երակներն ու զարկերակները պատրաստված են մեղրամոմից, երկաթյա մալուխներից ու մետաքսից: Այլոք էլ ավելի սարսափելի վարկածի են հարում, համաձայն որի՝ Սալերնոն կախարդ էր ու սպանում էր իր զոհերին ինչ-որ չորացնող լուծույթի ներարկումներով:
8. Աշխարհի ամենամեծ սոլիտերը (Մեգուրոյի մակաբուծաբանության թանգարան, Տոկիո, Ճապոնիա)
Աշխարհի միակ մակաբույծների թանգարանում իսկապես սարսափելի ցուցանմուշներ կարելի է տեսնել: Այս թանգարանի կենտրոնական տեղն է զբաղեցնում աշխարհի ամենամեծ ժապավենաձև որդը՝ սոլիտերը, որն ունի 8.8 մետր երկարություն: Այն հեռացրել էին մի ճապոնացու մարմնից, երբ վերջինս սկսել էր գանգատվել փորացավերից: Համեմատության համար նշենք, որ ընձուղտների միջին հասակը կազմում է 5.5 մետր:
9. Գիրք մարդու կաշվից (Պաթոլոգիաների վիրաբուժական թանգարան, Էդինբուրգ, Շոտլանդիա)
19-րդ դարի Շոտլանդիայում երկու սերիական մարդասպաններ էին մոլեգնում՝ Ուիլիամ Հերն ու Ուիլիամ Բերկը: Նրանք վաճառում էին իրենց զոհերի մարմինները, որոնց թիվն առնվազն 16 էր։ Բժիշկ Ռոբերտ Նոքսին գնում էր դրանք ու դիահերձում իր հռչակավոր դասախոսությունների ժամանակ: Արքայական վիրաբուժական քոլեջում գործող թանգարանում կարելի է ականատես լինել մի սարսափելի ցուցանմուշի, որն արմատներով գնում է դեպի վերոնշյալ իրադարձություննը: Բանն այն է, որ այս գրքի կազմը պատրաստել են Ուիլիամ Բերկի մաշկից: Մարդասպանին մաշկել էին կախաղան հանելուց ու կտրատելուց հետո:
10. Ապոկալիպսիսի ձիավորը (Ֆրագոնարի թանգարան, Փարիզ, Ֆրանսիա)
Օնորե Ֆրագոնարը, ով ապրել է 1732-1799 թվականներին, մարդաբան էր, որը մի շարք տարօրինակություններ ուներ: Մաշկված կերպարներով պատկերներ կային դեռ մինչև նրա ծնունդը և կոչվում էին էկորշե, սակայն Ֆրագոնարը որոշեց էկորշեներ պատրաստել իսկական դիակներից: Ընդհանուր առմամբ նա ձևեց 700 դիակներ, բայց մեր օրերում պահպանվել են նրա «գլուխգործոցներից» միայն 21-ը, իսկ առավել հայտնի է այսպես կոչված «Ապոկալիպսիսի ձիավորը», որն իրական մարդու ու ձիու դիակներից է պատրաստված, իսկ նրան շրջապատում են ձիերի ու գառների վրա նստած մարդկային էմբրիոններ:
