Tert.am-ը գրում է.
Գիտական տարբեր թիմերի կողմից անցկացված բազմաթիվ ուսումնասիրությունների ու հետազոտությունների արդյունքում ի հայտ են եկել մի շարք ուշագրավ փաստեր՝ շագանակագույն աչքերով մարդկանց վերաբերյալ:
Ինչպես նշում է Healthy Life Vision կայքը, այս գույնի աչքեր ունեցողները շատ են վստահում դիմացինին և բավական շուտ են համոզվում: Շագանակագույն աչքերով մարդիկ միշտ շատ ընկերներ ունեն և ցանկալի մարդ են ընկերական շրջապատում: Նրանք լի են էներգիայով ու կենսուրախ են, ինչը գրավում է մյուսներին:
Բացի այդ մասնագետները պարզել են, որ հիվանդության դեպքում շագանակագույն աչքերով մարդիկ ավելի վճռական են դառնում` փորձելով հաղթահարել հիվանդությունն ու չկորցնելով կյանքի «ծարավը»:
Այս մարդիկ նաև շատ զգացմունքային են ու հաճախ անկեղծ կարեկցանքով են լցվում դժվարության մեջ հայտնվածների նկատմամբ: Հոգեբանները պնդում են, որ շագանակագույն աչքեր ունեցողները մեծ սիրտ ունեն ու միշտ պատրաստ են օգնել: