Դերասան-ամուսիններ Հրանտ Թոխատյանն ու Լուիզա Ներսիսյանն այս տարի հանգստի չեն մեկնելու, քանի որ նրանց մոտ աշխատանքային բուռն շրջան է: BlogNews.am-ի հետ զրույցում դերասանուհին ասաց, որ այս փուլում նոր նախագծեր չկան, շարունակում են աշխատել նույն նախագծերում:
«Ես ու Հրանտը չունենք կոնկրետ տասն օր, որ կարողանանք միասին մեկնել հանգստի, իսկ առանձին հանգստի մեկնելը հանգիստ չի լինի»,- նշեց Լուիզան: Նա դժվարացավ նշել, թե վերջին անգամ երբ է հանգստացել, քանի որ աշխատանքային շրջագայությունները համատեղում է հանգստի հետ: «Երբ երկրից դուրս ես գալիս, օդափոխություն է լինում, ինչն արդեն փոքրիկ հանգիստ է»,- նկատեց դերասանուհին:
Լուիզան նշեց, որ փորձում են ամառը վայելել Հայաստանում: «Շաբաթվա ընթացքում 1-2 օր փորձում ենք այնպես անել, որ ընտանիքի հետ անցկացնենք, հանգստանանք: Օրվանից քաղում ենք մաքսիմալը»,- ասաց նա ու հավելեց, որ օրվա ընթացքում փորձում են գոնե 3 ժամ գտնել ու գնալ նաև լողավազան:
Նյութը՝ Ամալյա Հովհաննիսյանի
