Tert.am–ը գրում է.
Արժույթի միջազգային հիմնադրամի ղեկավար Քրիստին Լեգարդը և ՌԴ Նախագահ Վլադիմիր Պուտինը քննարկել են հունական պարտքի խնդիրը արտաքին վարկատուներին: Այս մասին հաղորդում է BBC-ն` վկայակոչելով ՌԴ նախագահի մամլո քարտուղարին:
«Այս խոսակցության նախաձեռնողը Պուտինն էր: Քննարկվել են նախօրեին Հունաստանում կայացած հանրաքվեի համատեքստում Ռուսաստանի և ԱՄՀ-ի փոխհամագործակցության հարցերը», - լրագրողներին ասել է Դմիտրի Պեսկովը:
Նրա խոսքով` հունական պարտքի խնդրի օպտիմալ լուծում գտնելու որոնումները կշարունակվեն` հաշվի առնելով բոլոր կողմերի շահերը:
Պեսկովի հաղորդմամբ` Ռուսաստանի օգնությունը Հունաստանին չի քննարկվել:
Հիշեցնենք, որ հանրաքվեին մասնակցած հույների մեծ մասը «ոչ» է ասել միջազգային վարկատուների առաջարկած պայմաններին:
Նյութի աղբյուր՝ http://www.tert.am/am/news/2015/07/07/putin-legard/1727144
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել