Slaq.am-ը գրում է.
Սուպերմոդել Միրանդա Քերը դերասան Օռլանդո Բլումից բաժանվելուց հետո փորձում է վերստեղծել իր անձնական կյանքը: Այս մասին հայտնում է starslife.ru-ն:
Մի քանի օր առաջ Victoria’s Secret-ի նախկին «հրեշտակին» նկատել են միլիարդատեր Էվան Շպիգելի ընկերակցությամբ: Forbes ամսագրի տեղեկությամբ՝ Snapchat հավելվածի հեղինակը պատմության մեջ ամենաերիտասարդ միլիարդատերն է: Նա ընդամենը 25 տարեկան է:
Ականատեսները պնդում են, որ Միրանդան և Էվանն իսկապես իրարով հետաքրքրված են եղել և ոչ ոքի ուշադրություն չեն դարձրել: «Նրանք դիպչում էին իրար և խորասուզված էին զրույցի մեջ»,- ասում է ականատեսը:
Հիշեցնենք. չնայած Բլումի և Քերի բաժանությունը ծանր է եղել՝ զույգը փորձել է ընկերական հարաբերություններ պահպանել: «Մենք ամեն օր շփվում ենք,- անցած ամառ ասել է Միրանդան:- Մենք միշտ ընտանիք կլինենք և սիրում ենք իրար: Մենք սեր և հարգանք ունենք, շատ մտերիմ ենք, և ես դրա համար շատ շնորհակալ եմ»: