Tert.am–ը գրում է.
Ռուսաստանի Առաջին ալիքի լրատվական ծառայության թղթակցին արտաքսել են Ուկրաինայից` «հակաուկրաինական գործունեության համար»:
Interfax-ը մանրամասնում է, որ Ալեքսանդրա Չերեպնինա անունով թղթակիցը չի կարողանա Ուկրաինա վերադառնալ առաջիկա 3 տարում:
Այսօր ավելի վաղ հեռուստաալիքը կորցրել էր կապը լրագրողուհու հետ, սակայն այնուհետև նա հայտնաբերվել էր: Այդ ընթացքում լուրեր էին տարածվել, թե նրան առևանգել են Կիևի սեփական բնակարանից տեղի անվտանգության ծառայության աշխատակիցները:
Առաջին ալիքը պնդում է, թե լրագրողուհու տանից կորել են նրա բոլոր իրերը: Հայտնի է, որ երեկոյան չվերթով նրան Կիևից Ռուսաստան են ուղարկել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել