Tert.am-ը գրում է.
Պերինատոլոգիայի, մանկաբարձության և գինեկոլոգիայի կենտրոնի վերակենդանացման բաժանմունքում գտնվող՝ ողբերգական միջադեպից տուժած կնոջ վիճակը շարունակում է մնալ ծանր, բայց կայուն:
«Նույն ծանր վիճակն է, հեմոդինամիկ ցուցանիշները պահպանվում են, գիտակցությունը պահպանվում է»,- Tert.am-ին հայտնեց կենտրոնի ղեկավար, ՀՀ գլխավոր մանկաբարձ-գինեկոլոգ Ռազմիկ Աբրահամյանը:
Երեկ բժիշկների միջամտության արդյունքում կնոջ մոտ արյունահոսությունը դադարեցվել էր:
Հիշեցնենք, որ Երևանում ամուսինը, այցելելով Հանրապետական հիվանդանոցի ծննդատուն, իր մոտ եղած հրազենով կրակել է կնոջ վրա, այնուհետև ինքնասպան է եղել:
Երեխան, որը ծնվել էր մի քանի օր առաջ՝ կեսարյան հատումով, Ռազմիկ Աբրահամյանի տեղեկացմամբ, նույնպես գտնվում է վերակենդանացման բաժանմունքում և ծանր վիճակում:
Հիշեցնենք, որ երեխան ծնվել էր անհաս և թոքերի բորբոքում ու ինֆեկցիայով:
