Tert.am-ը գրում է.
ԱԺ «Հայ ազգային կոնգրես» խմբակցության պատգամավոր Հրանտ Բագրատյանը «Տնտեսական հարցերով համաժողովի» ժամանակ ներկայացրեց Հայաստանի առավելությունների վերաբերյալ իրենց կատարած ուսումնասիրությունները, թե ինչի վրա պետք է ուշադրություն դարձնել:
Ըստ նրա՝ մենք հիմա ոչ թե վատացող, այլ լավացող միջավայրում ենք աշխատում:
«Մենք վերցրեցինք օտարերկրյա ներդրումները, խնայողությունները և համեմատեցինք հինգ երկրների հետ»,-ասաց նաև ներկայացրեց այդ համեմատության արդյունքները:
«Միանշանակ մեր ուսումնասիրությունը թույլ է տալիս ասել, որ չի կարելի խրախուսել առանձին բիզնեսներ, այլ պետք է խթանել առանձին ճյուղեր, բլոկներ»,-ասաց նա:
Նա նշեց, որ իրենք հանգել են այն եզրակացության, որ եթե կառավարությունը շարունակի խրախուսել, օրինակ, Ա բիզնեսը, ապա դա նշանակում է սահմանափակել Բ և Գ բիզնեսները:
