Slaq.am-ը գրում է.
Ռուսական ՏԱՍՍ գործակալությունը փոխանցում է, որ Ռուսաստանի Մոսկվա և Յարոսլավլ քաղաքներում անհայտ անձը սպառնում է պայթեցնել «Տաշիր» ընկերությունների խմբին պատկանող «ՌԻՈ» սուպերմարկետները, որը պատկանում է գործարար Սամվել Կարապետյանին:
Ռուսաստանյան «Դոժդ» հեռուստաընկերության փոխացնամամբ` անանուն ինչ-որ մեկը զանգել է նշված քաղաքների «ՌԻՈ» սուպերմարկետներ և սպառնացել պայթեցնել դրանք:
Ռուսաստանի իրավապահ մարմիններին վկայակոչելով` նույնի առիթով ՏԱՍՍ-ը հայտնում է, որ սուպերմարկետներից տարհանում է սկսվել: Ընդ որում` Մոսկվայի դեպքում խոսքը սուպերմարկետների ցանցի 4 կետերի մասին է;
Դեպքի վայրեր են ժամանել ոստիկաններ, կինոլոգներ, անցկացվում է տարածքների զննություն: Բոլոր սուպերմարկետների աշխատանքը դադարեցվել է:
Նյութի աղբյուր՝ http://www.slaq.am/arm/news/1029410/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
