Երկու և կես տարի առաջ 6-ամյա Քրիստիան Մկֆիլամը որոշեց երկարացնել մազերը։ Նրան ծաղրում էին դպրոցում և հաճախ աղջկա հետ շփոթում, սակայն նա երբեք չի մտափոխվել ու հետ կանգնել՝ 25 սմ երկարության մազերը քաղցկեղով հիվանդ երեխաների համար կեղծամ պատրաստելու համար նվիրաբերելու իր հատուկ նպատակից։
Երբ Մկֆիլամը 6 տարեկան էր նա ոգեշնչվեց Սբ. Հուդա մանկական հետազոտական հիվանդանոցի հեռուստատեսային գովազդով ու որոշեց երկարացնել իր մազերը՝ քաղցկեղով հիվանդ այն երեխաների համար, ովքեր կորցրել են իրենց մազերը։
Տղան անկեղծացել է, որ չնայած որոշ մարդիկ փորձել են նրան աղջիկ անվանել ու չնայած դա հաճելի չէր, սակայն դա նրան չի կանգնեցրել իր առաքելությունն ավարտին հասցնել։
Նույնիսկ մեծահասակներն են նրան համոզել իր մազերը կտրել, սակայն նրանցից շատերը ներողություն են խնդրել այն բանից հետո, երբ տղան մերժել ու բացատրել է իր առաքելության նպատակը։
Տղային հաճելի չէր ծաղրանքի առարկա լինել, սակայն նա 2,5 տարի դիմանալուց հետո իր 25 սմ երկարություն ունեցող մազերը չորս մասի է բաժանել ու դրանք նվիրաբերել՝ մազերը կորցրած երեխաների համար կեղծամ պատրաստելու նպատակով։
Քրիստիանի քաջությունն ու բարությունը պետք է օրինակ ծառայի բոլորիս համար...
