Ուիքենդը շատ բուռն անցավ Քլոե Քարդաշյանի համար։ Նա հասցրեց հանգստյան օրերին ռոմանտիկ հանդիպում ունենալ ամուսնու՝ Լամար Օդոմի մարզական մրցակից Ռիք Ֆոքսի հետ։ Հետագայում ռիելիթի աստղը հանդես եկավ որպես Լաս Վեգասի «1OAK» խնջույքի հանդիսավար։ Հիշատակի օրվան նվիրված այս խնջույքը թեժ ընթացք ստացավ, երբ Քլոեն սկսեց պարել «Մեղքերի քաղաքը» կինոնկարի դերասան Դորիոն Ռենոդի հետ։ Քլոեն կրում էր երկար թափանցիկ երեկոյան զգեստ և բարձրակրունկ կոշիկներ։ Նա ակումբ էր գնացել իր մանկության ընկերուհիների՝ երկվորյակներ Մալիկա և Խադիջա Հաքերի հետ։ Ակումբում աղջիկները մի լավ զվարճացան մյուս հյուրերի հետ, իսկ երբ Քլոեն սկսեց ինքնամոռաց պարել Դորիոնի հետ, բոլոր տեսախցիկներն ուղղվեցին նրա կողմ։ Մինչ Քլոեն «տժժում» էր դերասանի հետ, նրա բասկետբոլիստ ամուսինը, ումից նա դեռևս պաշտոնապես ամուսնալուծված չէ, հայտարարեց. «Քլոեն դեռևս իմ կինն է»։ Երբ նրան երեկ ռադիոհաղորդումներից մեկի ժամանակ հարցրին, թե արդյոք վերամիավորման շանս կա, Լամարը պատասխանեց, որ անշուշտ կա։ Ի՞նչ ասենք, հավանաբար նա այնքան էլ խանդոտ ամուսին չէ։
