Tert.am-ը գրում է.
Էլորա Հարդի անունով տիկինը թողել է իր հաջող կարիերան Նյու Յորքի նորաձևության ասպարեզում` Ինդոնեզիaյում եղեգնից տներ կառուցելու հնարավորության համար:
Bored Panda - ի փոխանցմամբ` այժմ Բալիում բնակվող ամերիկուհին ու նրա թիմը վերջին 5 տարիներին հեղափոխություն են իրականացրել եղեգնից շինությունների ասպարեզում: Նրանք կարծում են, որ եղեգնը թերագնահատելի քիչ են կիրառում, չնայած դա իդեալական վերականգնելի ռեսուրս է:
Հարդիի եղեգնից տները մշտական` ոչ ժամանակավոր շինություններ են: Նման արդյունք ստանալու համար նա իր շինությունները մշակում է բոր քիմիական նյութով, ինչը եղեգնը զերծ է պահում միջատների վնասակար ազդեցությունից: Միջատները և խոնավությունը եղեգնի հիմնական «թշնամիներն» են, սակայն ճիշտ մշակման դեպքում եղեգնյա շինությունները կարող են հավերժ կանգուն մնալ:
Հարդին խոստովանում է, որ եղեգնյա շինությունների ոգեշնչումը ժամանակին ժառանգել է հորից: Իսկ աղբյուրը բացահայտում է, որ եղեգնը բետոնի սեղմման ուժ ունի, պողպատի զանգվածի հանդեպ ամրության առավելագույն համապատասխանություն և ամենաարագ աճող բույսերից է աշխարհում: