Տան մաքրությունը… Այն հազվադեպ ենք ցանկանում սկսել, սակայն արդյունքը գոհացնում է ու անգամ բարձրացնում տրամադրությունը:
Սովորաբար բոլոր այդ գործողությունները սկսում ենք՝ ձեռքի տակ ունենալով մաքրող միջոցների մի ամբողջ զինանոց: Սակայն ի՞նչ անել, եթե ձեռքի տակ չկա ֆիրմային մաքրող միջոց կամ պարզապես որոշել եք խնայել հեղուկների գնման վրա:
Առաջարկում ենք փորձել հետևյալ միջոցները.
1. Ավտոմեքենայի սրահ
Եթե կարծում եք, որ քիմմաքրումը չարդարացված ծախս է, ապա պատրաստեք օճառային հեղուկ, ավելացրեք քացախ ու սոդա: Ձեզ հարկավոր կլինի նաև ամուր խոզանակ: Անցեք գործի:
2. Պատուհանի շրջանակներ
Մինչ պատուհանները մաքրելը կեղտոտված հատվածների վրա կերակրի սոդա լցրեք, ապա ավելացրեք մի փոքր քացախ ու սպասեք, մինչ ռեակցիան կանցնի: Վերցրեք հին ատամի խոզանակ կամ խոնավ կտոր ու լավ մաքրեք, ապա խոնավ կտորով չորացրեք:
3. Լվացքի մեքենա
Ժամանակի հետ լվացքի մեքենաները կեղտոտվում են, ու իրերը մեքենայի միջից սկսում են դուրս գալ փոքր-ինչ տհաճ հոտով: Որպեսզի ազատվեք ոչ հաճելի հոտից, փոշու կոնտեյներում ավելացրեք քլոր կամ սոդայի ու քացախի խառնուրդ ու միացրեք առանց հագուստի ինտենսիվ ռեժիմը:
4. Սալիկների արանքի դեղին հետքերը
Բնակարանը կարող է հավաքված լինել, սակայն սալիկների արանքի մուգ հետքերը կխաթարեն ներդաշնակությունը: Սխալն ուղղելու համար վերցրեք ատամի խոզանակ, հեղուկ օճառի խառնուրդ ու քլոր: Այդ նույն համադրությամբ կարելի է 10 րոպեում մաքրել վաննան:
5. Բազմոց
Մաքրելու համար օգտագործեք նախ սպիրտ, ապա՝ թորած ջուր: Ծորակի ջրով չարժե մաքրել, քանի որ կարող են մնալ հետքեր: Նախ հարկավոր է թրջել, ապա մաքրել չոր խոզանակով: