Tert.am-ը գրում է.
Ս.թ. մայիսի 22-ին ժամը 10:00-ին Երևանի քաղաքապետարանում (հասցե՝ Արգիշտիի փող. 1) տեղի կունենա Հայաստանում եվրոպական երիտասարդական պառլամենտի կողմից կազմակերպված Եվրոպական երիտասարդական պառլամենտի 2-րդ Միջազգային համաժողովի (2nd International EYP Forum in Armenia (IEFA 2015) բացման հանդիսավոր արարողությունը:
Այս մասին հայտնում են Երևանի քաղաքապետարանի տեղեկատվության և հասարակայնության հետ կապերի վարչությունից։
Ողջույնի խոսքով հանդես կգա և համաժողովի մասնակիցներին Երևանի քաղաքապետ Տարոն Մարգարյանի ուղերձը կփոխանցի Երևանի քաղաքապետի տեղակալՎահե Նիկոյանը: Համաժողովի մասնակիցներին կողջունեն նաև ԵԵՊ Հայաստանի նախագահ Հովսեփ Պատվականյանը և համաժողովի նախագահող Ռաբիհ Էլթեյրը:
Բացման արարողությանը կհաջորդի «Ժողովրդավարական հասարակության զարգացման մարտահրավերները Արևելյան գործընկերության երկրներում» թեմայի շուրջ պանելային քննարկում:
