Tert.am–ը գրում է.
Ամերիկահայ հեռուստաաստղ Քիմ Քարդաշյանը իր «Քարդաշյանների հետ» հայտնի իրապատում շոուի մի սերիան հատուկ նվիրել է իր նախկին խորթ հայր Բրուս Ջեներին, ով որոշել էր փոխել սեռը:
Yahoo News-ի փոխանցմամբ` Քիմը պատմել է, որ տեսել է կին դառնալու ուղին ընտրած հայրացուի անցումային վիճակը: Քիմն իգական սեռով է խոսել Ջեների մասին և ասել է, որ հայրացուն «գեղեցկուհի կին» է:
34-ամյա Քիմը մանրամասնել է, որ նախկին օլիմպիական չեմպիոն Ջեները «հագած - կապած է եղել», ինչպես նաև կնոջ դիմահարդարում և սանրվածք է արած եղել:
Քիմը խոստովանել է նաև, որ դեռ 12 տարի առաջ ինքը եղել է ընտանիքի անդամներից մեկը, ով կնոջ շորերով տեսել է Բրուսին:
Քիմը հայտնել է նաև, որ Բրուսը նոր` իգական անուն է ունենալու, և որ այդ անունը հայտնի է իրեն, սակայն նա չի ասի դա:
Քիմը նշել է, որ Բրուսի վերափոխման ամբողջ գործընթացում ընտանիքը ամեն ինչ կանի «տրանսսեքսուալ հասարակությանը ճիշտ վերաբերելու և պատվելու համար»:
