Tert.am–ը գրում է.
Վրաստանի եվրոպական և եվրաատլանտյան ինտեգրման հարցերով նախարար Դավիթ Բաքրաձեն և Եվրահանձնաժողովի` ընդլայնման և հարևանության քաղաքականության տնօրինության ղեկավար Ջերարդ Շուման Հիլերը մայիսի 14-ին Թբիլիսիում երկու ֆինանսական համաձայնագիր են ստորագրել, որոնցով նախատեսվում է օգնության տրամադրում Վրաստանին: Այս մասին հայտնում է ТАСС–ը` վրաց պետնախարարի վարչակազմին հղումով:
Գերատեսչության տվյալներով` ստորագրված փաստաթղթերից առաջինը նախատեսում է Վրաստանին ԵՄ-ի կողմից 10 մլն եվրոյի հատկացում` աջակցելու երկրում մարդու իրավունքների պաշտպանության, իրավապահ մարմինների վերահսկողության ուժեղացման, խոսքի ազատության և տեղեկատվության հասանելիության ծրագրին: Երկրորդ ֆինանսական համաձայնագրով ԵՄ-ն Վրաստանին կհատկացնի 50 մլն եվրո` երկրում արդարադատության համակարգում բարեփոխումներ անելու համար: