Երգիչ Արամեն այսօր տեսահոլովակ է նկարահանում։ BlogNews.am-ի հետ զրույցում երգչի մենեջեր Արտյոմ Հակոբյանը հայտնեց, որ տեսահոլովակը նկարահանվում է «Դեպի երկինք» կոչվող նոր երգի հիման վրա։ Երաժշտության հեղինակն Արսեն Գրիգորյանն է, խոսքերը գրել է Ավետ Բարսեղյանը։
«Երգը հոր մասին է։ Արսենն այս ստղծագործությունը գրել է ու առաջարկել Արամեին։ Արամեի ցանկությունը՝ երգ ունենալ այս թեմայով, ինքնանպատակ չէր. կարևոր էր, որ երգը լավը լինի»,- ասաց նա։
Տեսահոլովակի ռեժիսորը Սյոմա Կոդաբաշյանն է։ Արտյոմի փոխանցմամբ՝ տեսահոլովակը տաղավարային է և ավելի շատ հոգեվիճակ է արտահայտում, քան կոնկրետ սյուժե։ Նա նշեց, որ կլինեն նաև մոնտաժային այլ կադրեր, սակայն առավելապես ներկայացված է Արամեի հոգեվիճակը։
Արտյոմից տեղեկացանք, որ Արամեի անձնական արխիվից որևէ բան տեսահոլովակում ներառված չէ։ Տեսահոլովակի պրեմիերան կլինի մոնտաժային աշխատանքներն ավարտելուց հետ։ Նախատեսվում է, որ դա կլինի մայիսի վերջին։
Նյութը՝ Ամալյա Հովհաննիսյանի
