Դերասան Հովհաննես Ազոյանի կինը՝ դիմահարդար Մերի Ազոյանը, այսօր նշում է ծննդյան տարեդարձը, ինչի կապակցությամբ կեսգիշերից բազմաթիվ շնորհավորանքներ է ստացել: Նրա ֆեյսբուքյան էջն արդեն ողողված է շնորհավորանքներով ու բարեմաղթանքներով:
BlogNews.am-ի հետ զրույցում Մերին ասաց, որ ամեն տարի աղջիկների միջավայրում նշում է տարեդարձը, սակայն այս տարի ոչ մի միջոցառում չի կազմակերպել, իսկ երեկոն անցկացնելու է մտերիմներից մեկի տարեդարձի խնջույքին: «Շատ եմ սիրում իմ տարեդարձը, սակայն այս տարի չեմ նշելու: Կոնկրետ պատճառ չկա, ուղղակի այդպես որոշեցի»,- նշեց դիմահարդարը:
Ամուսինը՝ Հովոն, արդեն շնորհավորել է կնոջն ու հանձնել նվերը, որի մասին, սակայն, Մերին չցանկացավ խոսել՝ այն համարելով անձնական: «Արտառոց ինչ-որ բան չի եղել: Նվերի մասին չեմ ուզում խոսել, միայն կասեմ, որ այն միշտ անակնկալ է լինում: Ես երբեք չեմ ասում Հովոյին՝ ինձ այսինչ բանը նվիրի»,- նշեց հոբելյարը:
Ինչ վերաբերում է բալիկների շնորհավորանքին՝ Մերին նկատեց, որ Վիկտորյան դեռ փոքրիկ է, իսկ Կարինան դպրոցից դեռ չի վերադարձել: «Կարծում եմ՝ իր ձեռքով պատրաստած ինչ-որ բան կնվիրի ինձ, քանի որ սովորաբար այդպես է անում:)»,- ասաց Մերին, ով այսօր դեռ սպասում է անակնկալների:
Տորթի մոմերը փչելիս նա երազանք չի պահում, քանի որ իր խոսքով՝ իր երազանքներն առանց պահելու էլ են իրականանում:)
BlogNews.am-ը շնորհավորում է Մերիին և մաղթում նորանոր հաջողություններ:
Ամալյա Հովհաննիսյան
