Այս 19-ամյա աղջիկը բուսակեր է, սակայն երբ հարցը վերաբերում է երիտասարդության պահպանմանը, նա մի պահ մոռանում է բուսակերության մասին ու սկսում լոգանք ընդունել խոզի արյամբ։ Հավերժական երիտասարդության գաղափարը կպչուն միտք է դարձել այս աղջկա գլխում։ Նրա մոտ երիտասարդ մնալու ցանկությունը մոլուցքի է հասնում։ Շանելը մասնակցում է «MTV»-ի «True Life» ծրագրին։
Նա աշխատում է իբրև մոդել և չափից ավելի տարված է իր արտաքինով։ Նա ասում է, որ մաշկի խնամքի այս տարօրինակ տարբերակից մարդիկ օգտվում էին դեռևս հազարավոր տարիներ առաջ, ու դա բավականին արդյունավետ էր։ Ծրագրի ընթացքում աղջիկը խոստովանել է.
Իմ մեծագույն վախը ծերությունն է։ Ես սարսափում եմ կնճիռներից ու ավելորդ մաշկից։ Ուստի այդ ամենը կանխարգելելու համար ես պետք է ջանք ու եռանդ չխնայեմ։
Շանելը պնդում է, որ չնայած իր երիտասարդ տարիքին՝ նրա մոտ արդեն սկսել են ծերացման նշաններ ի հայտ գալ։ Նա համոզված է, որ եթե համապատասխան քայլեր չձեռնարկի վաղաժամ ծերության դեմ, շուտով ստիպված կլինի հրաժարվել իր մոդելային կարիերայից։
 |
 |
Նա վստահ է, որ կենդանական արյան մեջ լոգանքն իր մաշկը երիտասարդ ու առաձգական կպահի։ Նրա ընտանիքի անդամները թերահավատորեն են մոտենում աղջկա տարօրինակ նախաձեռնություններին։ Շանելն ամեն օր իր դեմքը ցողում է սխտորի փոշով, վինեգրետի բալասանով: Նա մաշկը մշակում է նաև եղեսպակով և ձիթապտղի յուղով։ Նա օրը 8-10 անգամ լվանում է դեմքը և համարում է, որ դա ևս օգնում է պահպանել մաշկի առաձգականությունը։ Աղջիկը պնդում է, որ անգամ ընկերք է կերել ու օրգանիզմի թունազերծման նպատակով տարբեր նյութեր ընդունել։
 |
 |
Իր տարօրինակ լոգանքների համար պահանջվող արյունը Շանելը ձեռք է բերում մսագործից։ Նա դատարկ դույլը ձեռքին գնում է նրա մոտ ու վերադառնում արյամբ լի դույլով։ Այնուամենայնիվ, նա որոշել է այլևս չընդունել արյան լոգանք, թեև գոհ է դրա արդյունքներից։
Թեպետ ոչ մի գիտական ապացույց չկա, որը կվկայեր, որ անասնական արյունն օգնում է երիտասարդ մնալ, շատերն են այս ձևով փորձում պահպանել երիտասարդությունը։ Օրինակ՝ Ֆոլկլորն ասել է, որ ինքը լոգանք է ընդունել կույս աղջիկների արյան մեջ՝ այս կերպ իր երիտասարդությունը պահպանելու համար։ Հունգարացի դքսուհի Էլիզաբեթ Բաթրոնին, ով կասկածվում է հարյուրավոր երիտասարդ կանանց սպանության մեջ, ևս այս տարօրինակ լոգանքների օգնությամբ փորձում էր կանխարգելել ծերությունը։ Հեռուստաաստղ Քիմ Քարդաշյանը նույնպես ընդունել է «արյունոտ լոգանք»։ 2013 թ.-ին ռեալիթի աստղը մի լուսանկար տեղադրեց համացանցում, որում նրա դեմքն ամբողջովին արյամբ էր պատված։ Այս տարօրինակ բուժական ընթացակարգի ժամանակ մարդու մաշկի տակից ներարիչի օգնությամբ հանում են նրա արյունը, արյունից զատում են թրոմբոցիտները ու վերջում ներարկում արյունը մարդու դեմքի մեջ։
 |
 |
