Երեկ «Հայլուր» լրատվական ծրագրով հայտարարվեց, որ շուտով Երևանում անցկացվելու է «Պոպոք» գովազդի միջազգային փառատոնը: Հետաքրքրականն այստեղ ոչ թե մրցույթն անցկացնելու մանրամասներն են, այլ վերջինիս ոչ հայեցի անվանումը: Ինչո՞ւ «Պոպոք» և ոչ թե գոնե «Ընկույզ»: Որտե՞ղ է եղել մեր լեզվի տեսչությունը, երբ մրցութի անունն էին որոշում և գովազդում այն բոլոր հնարավոր ու անհնար ալիքներով: Ինչո՞ւ լեզվի տեսչությունը երբեք չի անհանգստանում, երբ հրապարակայնորեն պղծվում է մեր լեզուն: Ի՞նչ է նշանակում այս կրավորական կեցվածքը: Եթե ոչ լեզվի տեսչությունը, ապա էլ ո՞վ պետք է սրա մասին խոսի: Մե՞նք՝ օգտատերե՞րս: Այդ դեպքում ինչո՞ւ է պետությունը Ձեզ վճարում:
Հետաքրքիր է՝ ովքե՞ր են այդ «պոպոքները», որ նման անվանում են ընտրել իրենց հերթական մտքի թռիչքի համար: Դիմում եմ մրցույթի կազմակերպիչներին, որ ասածս հաշվի առնեն: Ցավոք ես միայն կարող եմ խնդրել, իսկ նա, ով պահանջել գիտի, դեռ լուռ է: Փոփոխությա՛ն ենթարկեք մրցույթի անվանումը և գոնե վերանվանեք «Ընկույզ»:
Ի՞նձ է թվում, թե իմ ձեռքն իրոք ոչ ոք չի բռնի, երբ իմ մրցույթն անցկացնեմ, որը կրի «Կակալ», «Պնդուկ», «Քյաստանա», «Մանդարին», «Սխտոր» անվանումները:
