Ժամանակակից աշխարհում ամենաշատ պահանջարկ ունեցող մասնագետներից են ապրանքագետները, ագրարային ոլորտի մասնագետները և IT-ի (տեղեկատվական տեխնոլոգիա) մշակողները։ Սակայն աշխատանքային շուկան ունի բազմաթիվ չզբաղեցրած տեղեր, և դրանց մեջ կան այնպիսիները, որոնք Ձեզ նախկինում հայտնի չէին։ Ներքևում ներկայացնում ենք 11 գժական մասնագիտություններ, որոնք «պայթեցնելու» են Ձեր երևակայությունը։
Փետրավոր գրիչների «բժիշկներ»։ Եթե Ձեր փետրավոր գրիչը խնդիրներ ունի, ապա Դուք այն կարող եք բժշկի տանել։ «Հիվանդին» լավագույն կերպով կընդունեն և կբուժեն՝ կախված տեսակից և կոտրվածքից։ Մասնագետի խնդիրն է այն «հետ բերել բարեկեցիկ կյանքին»։ Պետք է նշել, որ տվյալ ծառայությունն էժան չէ։
Ջրային սահաբլրակ (водные горки) փորձարկող։ Երևի յուրաքանչյուր երեխա, ինչպես նաև մեծահասակ, կարող էր այս տեսակի մասնագետ դառնալ։ Եթե Ձեզ «վիճակվել» է այս տեսակի աշխատանքով զբաղվել, ապա Դուք պետք է տարբեր տեսակի ջրային այգիներ այցելեք և ջրային ատրակցիոններում սահեք։ Գլխավոր խնդիրն է յուրաքանչյուր սահաբլրակ ըստ վարկանիշի գնահատել, օրինակ՝ գնահատել «սահելուց հետո ստացած ադրենալինի քանակը»։ Գովազդելու նպատակով համացանցում հնարավոր է, որ պահանջեն Ձեր դրական տպավորություններով կիսվել։
Պաղպաղակ համտեսող։ Երևի սա աշխարհի ամենահամեղ աշխատանքն է: Մասնագետին որոշակի հմտություններ են հարկավոր, օրինակ՝ պետք է օբյեկտիվորեն գնահատել ապրանքի դիզայնը, կառուցվածքը և համը։ Աշխատանքի միակ թերությունն այն է, որ համտեսողը քաղցրավենիքը ոչ թե ուտում է, այլ փորձում։
Եթե Դուք բաց մարդ եք, ապա կարող եք դառնալ մարդու դեմքը շոշափելու մասնագետ։ Մարդու մարմնի և դեմքի խնամքի համար արտադրված ապրանքների ընկերություններն իրենց ապրանքը փորձարկելու համար տարբեր մարդկանց են վերցնում։ Դեմքի շոշափման մասնագետների առաջադրանքն է ինքնակամ մարդու մաշկի շոշափման միջոցով գնահատել շամպունի, կրեմի, դիմակների, սափրվելու գելերի օգտակարությունը։
Տնային կենդանիների ուտելիքի համտեսող։ Կան մարդիկ, ովքեր իրենց մասնագիտական կարիերան ստեղծում են՝ շների կեր ուտելով։ Համտեսողի գլխավոր առաջադրանքն ապրանքի որակի, համի և հոտի ստուգումն է։
Ծիծաղելու թերապևտ։ Լավ տրամադրություն ունենալու լավագույն տարբերակը ծիծաղելու թերապևտ դառնալն է։ Այս մասնագետի գլխավոր առաջադրանքն է հաճախորդին ստիպել ժպտալ՝ այդ կերպ օրգանիզմում էնդորֆիններ ավելացնելով և սթրեսի մակարդակը նվազեցնելով։ Գոյություն ունեն և՛ անհատական, և՛ խմբային նիստեր։ Այս մասնագետները սովորաբար հոգեկան առողջապահության գծով որակավորված բժիշկներ են։
Օձի թույնի հայթայթման մասնագետ։ Օձերի «կթվորներն» աշխատում են կոբրաների, իժերի և ծովային օձերի հետ այսպես կոչված սերպենտարիումներում։ Տվյալ աշխատանքը շատ վտանգավոր է և ծայրահեղ ուշադրություն է պահանջում, քանի որ «կթվորի» մատները թունավոր ատամներից ընդամենը մի քանի մմ հեռավորության վրա են գտնվում։ Բացի այդ, այսպիսի մասնագիտության համար պետք է քիմիայի և կենսաբանության ոլորտում գիտական աստիճան ունենալ։
Բանանների հասունանալը գնահատելու մասնագետ։ Դժվար է պատկերացնել, որ նախքան այս միրգը հայտնվում է խանութներում, այն անցնում է «գազային կամերաների» միջով։ Բանն այն է, որ այս բանանները փչանալու կանխարգելման համար խակ կերպով են արտահանում։ Արդյունքում դրանք ջերմայնացված կամերաների մեջ անցնում են գազային գործընթացը, որպեսզի նրանց հասունանալն ավելի արագացվի։ Այս աշխատանքը կատարող մասնագետները, որպես կանոն, որակավորված գիտնականներ և ինժեներներ են։
Կահույքի «փորձարկող»։ Բազմոց գնելիս մենք սովորաբար ստուգում ենք դրա կայունությունը, թեթևությունը և որակի այլ ասպեկտները։ Սակայն կան մարդիկ, որոնց համար դա մասնագիտություն է։ Նրանք պարտավոր են պառկել փորձարկվող ապրանքների վրա, ինչպես նաև կահույքի անվտանգությունը գնահատել։ Նախքան խանութում ներկայացվելը՝ այս տեսակի գործընթացներ են տեղի ունենում։
Թղթե սրբիչներից հոտ քաշող։ Քանի որ թղթե սրբիչները հոտ քաշելու համար չեն գնում, այս աշխատանքը, մեղմ ասած, կարող է փոքր-ինչ տարօրինակ թվալ։ Այս բնագավառի գլխավոր պահանջմունքը սուր հոտառություն ունենալն է, բացի այդ՝ աշխատանքային շուկայում այս կարգի առաջարկները հազվադեպ են լինում։ Նրանք այսպիսի մարդկանց վարձում են իրենց ապրանքի անդուր հոտի բացակայության մեջ համոզվելու նպատակով։
Ճիճուներ հավաքող։ Որքան էլ տարօրինակ է՝ ճիճուների հավաքումը խոշորագույն արտադրություն է համարվում։ Ճիճուները հարկավոր են ակվարիումում գտնվող ձկների կերակրման, ինչպես նաև ձկնորսության համար։ Մասնագետը պետք է ճիճուները հավաքի, փաթեթավորի և բերի խանութ։