Tert.am–ը գրում է.
Մեծ Բրիտանիայի վարչապետ Դևիդ Քեմերոնը կարծիք է հայտնել, որ իրանական միջուկային ծրագրի համաձայնագիրը չպետք է կնքվի ամեն գնով: Ինչպես հաղորդում է ТАСС-ը` այս մասին վարչապետը հայտարարել է երկուշաբթի` ելույթ ունենալով խորհրդարանում:
«Ակնհայտ է, որ մենք չպետք է այս պայմանագիրը կնքենք ամեն գնով», - բրիտանացի վարչապետի խոսքը մեջբերում է Reuters գործակալությունը: Միևնույն ժամանակ՝ նա նշել է, որ իրադարձությունների զարգացման այլընտրանքային տարբերակները, եթե համաձայնագիր չկնքվի, դեռևս շահավետ չեն, այդ թվում` նաև Իրանի համար:
«Մեր սահմանած պատժամիջոցներն այնքան լուրջ վնաս են հասցրել Իրանին, որ այդ համաձայնագիրը կնքելը բխում է Թեհրանի շահերից», - հավելել է Քեմերոնը:
Նյութի աղբյուր՝ http://www.tert.am/am/news/2015/03/24/Cameron-tehran/1626125
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել