Tert.am-ը գրում է.
Մարտի 19-ին ԼՂ Գյուլիստանի ուղղությամբ տեղակայված հայկական դիրքերի վրա ադրբեջանական դիվերսիոն խմբի սադրիչ հարձակման արդյունքում վիրավորված 4 զինծառայողներից երկուսի `շարքային Էդգար Մարտիրոսյանի և լեյտենանտ Սարգիս Գաբրիելյանի վիճակը, որոնք տեղափոխվել էին Մուրացանի կենտրոնական ԶՈՒ հոսպիտալ , շարունակում է մնալ կայուն ծանր:
Այս մասին Tert.am-ին հայտնեցին նշված հոսպիտալի վերակենդանացման բաժանմունքից:
Հիշեցնենք,ո ր շուրջ երկու ժամ տևած մարտական գործողության արդյունքում դիրքապահ անձնակազմը և օգնության հասած ուժերը ստիպել են հակառակորդին մատնվել փախուստի, այնուհետև հետապնդելով վերջիններիս, գրեթե ամբողջությամբ ոչնչացրել են խմբին` իրենց դիրքերի մատույցներում:
Ցավոք, հակառակորդին դիմագրավելու ժամանակ արիաբար զոհվել են ՊԲ զինծառայողներ Հակոբ Գագիկի Խաչատրյանը (1996թ.), Էդուարդ Գագիկի Հայրապետյանը (1995թ.) և Արշակ Կարենի Հարությունյանը (1995թ.):